Frumvarp til laga um lögheimili og aðsetur, 345. mál. Umsagnarbeiðni

Frá Allsherjar- og menntamálanefnd Alþingis, dags. 27. mars, lagt fram til umsagnar frumvarp til laga um lögheimili og aðsetur, 345. mál (stjórnarfrumvarp).

Bæjarráð vísar málinu til bæjarlögmanns.

Karen Elísabet Halldórsdóttir lagði fram eftirfarandi bókun:

"Það er gott og vel að hjón skulu ekki lengur þurfa að hafa sama lögheimili en að sama skapi vil ég hvetja Alþingi að sýna börnum og réttindum foreldra sem ekki eru í sambúð eða gift sama skilning. Við sambúðarslit eða skilnað geta börn bara átt eitt lögheimili og réttindi sem því fylgja. Þetta er brot á réttindum barna sem og foreldra og um leið gerir annað foreldrið rétthærra en hitt."

Karen Elísabet Halldórsdóttir.

Hjördís Ýr Johnson, Margrét Júlía Rafnsdóttir, Pétur Hrafn Sigurðsson, Ármann Kr. Ólafsson og Birkir Jón Jónsson taka undir bókunina.