Málefnasamningur Sjálfstæðisflokks og Framsóknarflokks um meirihlutasamstarf í bæjarstjórn Kópavogs 2018-2022

Frá fulltrúum minnihluta bæjarstjórnar, farið yfir málefnasamning um meirihlutasamstarf Sjálfstæðisflokks og Framsóknarflokks í Kópavogi 2018-2022.

Frá fulltrúum minnihluta bæjarstjórnar, farið yfir málefnasamning um meirihlutasamstarf Sjálfstæðisflokks og Framsóknarflokks í Kópavogi 2018-2022.

Lagt fram.

Fundarhlé hófst kl. 18:21, fundi fram haldið kl. 18:48.

Bókun:

"Undirrituð telja að næsta skref í vinnu bæjarstjórnar sé að breyta vinnubrögðum nefnda og ráða til að tryggja reglubundið árangursmat. Stefnumótun með markmiðum og árangursmælikvörðum þarf að fylgja eftir með markvissum og stafrænum hætti. Okkar mat er að bæjarstjórn sé rétt að hefja þá vegferð að breyta vinnubrögðum í átt að árangursdrifinni stefnumarkandi fjárhagsáætlanagerð. Væntingar okkar eru að vinna bæjarstjórnar og starfsmanna lifi af kosningar og að Kópavogsbær verði með framsæknustu sveitarfélögum landsins."

Theodóra S. Þorsteinsdóttir

Einar Þorvarðarson

Bókun:

Í málefnasamningi Framsóknarflokks og Sjálfstæðisflokks eru 73 verkefni tiltekin. Samkvæmt talningu eru verkefnin sem er ólokið alls 35 talsins eða rétt tæplega helmingur verkefnanna. Einkuninn er námunduð í 5. Það þýðir falleinkunn fyrir meirihluta Sjálfstæðisflokks og Framsóknarflokks og þó að einkuninn fimm dugi til að skríða í gegn um skólakerfið þá er það alger falleinkunn þegar rætt er um að uppfylla málefnasamning og loforð Sjálfstæðisflokks og Framsóknarflokks til kjósenda í kópavogi.



Framtaksleysi Sjálfstæðisflokks og Framsóknarflokks á kjörtímabilinu hefur verið algert, enda kannski ekki nema von að flokkarnir séu þreyttir eftir nánast 30 ára setu að völdum.



Kópavogsbúar eiga betra skilið"



Pétur Hrafn Sigurðsson bæjarfulltrúi Samfylkingarinnar

Bergljót Kristinsdóttir bæjarfulltrúi Samfylkingarinnar

Sigurbjörg Erla Egilsdóttir bæjarfulltrúi Pírata

Fundarhlé hófst kl. 19:29, fundi fram haldið kl. 19:42

Bókun:

"Þegar horft er til málefnasamnings 2018-2022 er búið að standa við um 80% af honum ef horft er til þeirra verkefna sem þegar er búið að ráðast í eða er búið að fjármagna og byggir meðal annars á samstarfi við sveitarfélögin á höfuðborgarsvæðinu. Það mætti ætla að fulltrúar Samfylkingar og Pírata í Kópavogi hafi gleymt því að hér varð Covid sem olli miklu tekjufalli og takmarkar því fjárhagslegt svigrúm. Ekki var ráðist í lántökur til að fjármagna reksturinn eins og í Reykjavík með tilheyrandi rekstratapi. Það sem veldur þó sérstökum vonbrigðum er að fulltrúar Samfylkingarinnar og Pírata tóku tóku fullan þátt í gerð fjárhagsáætlananna allt kjörtímabilið þannig að í raun er verið að ljúka góðu samstarfi með ómálefnalegri gagnrýni. Bókun Viðreisnar lýsir hins vegar mun betur þeim anda sem verið hefur á milli flokkanna við gerð fjárhagsáætlananna og er þakkað fyrir það samstarf."

Ármann Kr. Ólafsson

Margrét Friðriksdóttir

Hjördís Ýr Johnson

Jón Finnbogason

Helga Hauksdóttir

Júlíus Hafstein

Fundarhlé hófst kl. 19:44, fundi fram haldið kl. 19:53

Bókun:

"Bæjarfulltrúar Samfylkingarinnar og Pírata bera ekki ábyrgð á málefnasamningi Sjálfstæðisflokks og Framsóknarflokks."



Pétur Hrafn Sigurðsson bæjarfulltrúi Samfylkingarinnar

Bergljót Kristinsdóttir bæjarfulltrúi Samfylkingarinnar

Sigurbjörg Erla Egilsdóttir bæjarfulltrúi Pírata

Frá bæjarstjóra, lagður fram málefnasamningur um meirihlutasamstarf Sjálfstæðisflokks og Framsóknarflokks í Kópavogi.

Lagt fram.

Fulltrúar Samfylkingar lögðu fram eftirfarandi bókun:

"Málefnasamningur Framsóknarflokks og Sjálfstæðisflokks sem liggur hér frammi er frekar gamaldags samningur gerður af gamaldags og íhaldssömum flokkum. Mörg atriða sem tiltekin eru í samningnum eru þegar komin af stað, önnur eru á valdi ríkisins að framkvæma. Fátt nýtt, frumlegt eða snjallt er að finna í málefnasamningnum.

Pétur Hrafn Sigurðsson, Bergljót Kristinsdóttir"

Fulltrúar BF Viðreisnar lögðu fram eftirfarandi bókun:

"Málefnasamningurinn er listi yfir ágætis verkefni. Flest verkefni eru framhald af þeirri vinnu sem þegar var verið að vinna í á síðasta kjörtímabili og mörg hver búið að samþykkja og komin í ferli. Nokkur eru háð vilja og valdi ríkisins. Áhyggjuefni er skortur á stefnumörkun og framtíðarsýn í málaflokkunum.

Theódóra Þorsteinsdóttir, Einar Þorvarðarson"

Hlé var gert á fundi kl. 14:40. Fundi var fram haldið kl. 14:43.

Fulltrúar meirihluta Sjálfstæðis- og Framsóknarflokks lögðu fram eftirfarandi bókun:

"Málefnasamningurinn er verkefnalisti kjörtímabilsins sem allir bæjarfulltrúar eiga að geta átt gott samstarf um.

Ármann Kr. Ólafsson, Margrét Friðriksdóttir, Karen Halldórsdóttir, Guðmundur Geirda, Jón Finnbogason, Birkir Jón Jónsson"

Frá bæjarstjóra, lagður fram málefnasamningur um meirihlutasamstarf Sjálfstæðisflokks og Framsóknarflokks í Kópavogi.

Lagt fram.