Fjárhagsáætlun 2019

Frá bæjarstjóra, dags. 20. ágúst, lögð fram tilkynning um breytingu á framlagi frá Jöfnunarsjóði fyrir árið 2019.

Lagt fram.

Bæjarráð óskar eftir skýringu á því hvers vegna Jöfnunarsjóður skerðir framlög sín með þessum hætti í endurskoðaðri áætlun og leggi fram útreikninga sem þar liggja til grundvallar.

Frá fjármálastjóra, dags. 5. febrúar, lögð fram til samþykktar breyting á tekjuviðmiðum vegna afsláttar á fasteignaskatti.

Bæjarstjórn samþykkir framlagða breytingu um hækkun á tekjuviðmiðum vegna afsláttar á fasteignaskatti úr 4,7% í 7,5% með 11 atkvæðum.

Frá fjármálastjóra, dags. 5. febrúar, lögð fram til samþykktar breyting á tekjuviðmiðum vegna afsláttar á fasteignaskatti.

Bæjarráð samþykkir með fimm atkvæðum tillögu um breytingu á tekjuviðmiðum vegna afsláttar á fasteignaskatti.

Ármann Kr. Ólafsson, bæjarstjóri, tók til máls og lagði fram tillögu að fjárhagsáætlun fyrir árið 2019, ásamt tillögu að álagningu gjalda. Þá gerði bæjarstjóri grein fyrir breytingartillögum við fjárhagsáætlun 2019 og lagði til að þær yrðu samþykktar, ásamt framlagðri fjárhagsáætlun. Jafnframt lagði bæjarstjóri fram tillögur að gjaldskrám.

Ármann Kr. Ólafsson, bæjarstjóri, lagði fram og gerði grein fyrir fjárhagsáætlun 2019 og þriggja ára fjárhagsáætlun 2020-2022 og lagði til að hvor um sig yrði samþykkt.

Fundarhlé hófst kl. 17:08, fundur hófst kl. 17:11.

Forseti ber undir fundinn eftirfarandi tillögu að álagningu gjalda fyrir árið 2019:

I. Bæjarstjórn samþykkir að útsvar fyrir árið 2019 verði óbreytt 14,48%.

Bæjarstjórn samþykkir tillöguna með 11 atkvæðum.

II. Bæjarstjórn Kópavogs samþykkir að fasteignagjöld fyrir árið 2019 verði álögð sem hér segir:

a) Fasteignaskattur:

1. Íbúðarhúsnæði lækki úr 0,23% í 0,22% af fasteignamati.

Bæjarstjórn samþykkir tillöguna með 11 atkvæðum.

2. Atvinnuhúsnæði lækki úr 1,60% í 1,50% af fasteignamati.

Bæjarstjórn samþykkir tillöguna með 11 atkvæðum.

3. Opinbert húsnæði verði óbreytt 1,32% af fasteignamati (sbr. b-lið 3. mgr. 3. gr. laga nr. 4/1995).

Bæjarstjórn samþykkir tillöguna með 11 atkvæðum.

4. Hesthús lækki úr 0,23% í 0,22% af fasteignamati.

Bæjarstjórn samþykkir tillöguna með 11 atkvæðum.

5. Sumarhús lækki úr 0,23% í 0,22% af fasteignamati.

Bæjarstjórn samþykkir tillöguna með 11 atkvæðum.

b) Vatnsskattur og holræsagjald:

1. Vatnsskattur lækki úr 0,07% í 0,065% af heildarfasteignamati. Aukavatnsgjald skv. mæli verði kr. 41,63 (var 40,46) fyrir hvern m3 vatns (hækkar um 2,9%).

Bæjarstjórn samþykkir tillöguna með 11 atkvæðum.

2. Fráveitugjald, sbr. reglugerð um fráveitugjald í Kópavogsbæ nr. 729/2001, verði 0,105% og lækki úr 0,115% af fasteignamati, sbr. lög um skráningu og mat fasteigna nr. 94/1976 með síðari breytingum. Sé ekkert mannvirki á lóð greiðist ekki holræsagjald. Ekki skal reikna fráveitugjald af húsi það ár sem bygging þess hefst. Rotþróargjald fyrir íbúðarhúsnæði að Vatnsenda verði kr. 27.656 (var 26.877) og innheimtist með fasteignagjöldum (hækkar um 2,9%).

Bæjarstjórn samþykkir tillöguna með 11 atkvæðum.

c) Lóðarleiga:

1. Fyrir lóðir íbúðar-, sumar- og hesthúsa verði óbreytt 21,43 kr/m².

Bæjarstjórn samþykkir tillöguna með 11 atkvæðum.

2. Lóðir Lækjarbotnum verði óbreytt 21,43 kr/m².

Bæjarstjórn samþykkir tillöguna með 11 atkvæðum.

3. Fyrir lóðir annarra húsa lækki úr 185,00 kr/m² í 180 kr/m².

Bæjarstjórn samþykkir tillöguna með 11 atkvæðum.

Gjalddagar fasteignagjalda 2019 verði átta, þann 1. febrúar, 1. mars, 1. apríl, 1. maí, 1. júní, 1. júlí, 1. ágúst og 1. september og greiðist áttundi hluti gjaldsins hverju sinni. Eindagi verði í lok hvers mánaðar. Gjaldendur er greiða lægri fasteignagjöld en 40.000 kr. greiði þau í einu lagi á gjalddaga 01.03.2019. Gjaldendur er greiða fasteignagjöld að fullu fyrir 15.02.2019 fá 3% staðgreiðsluafslátt.

Bæjarstjórn samþykkir tillöguna með 11 atkvæðum.

d) Elli- og örorkulífeyrisþegar er njóta lækkunar fasteignaskatts skulu fá staðgreiðsluafslátt samkvæmt sömu reglum og aðrir gjaldendur af þeim hluta er þeim ber að greiða.

Veittur verður afsláttur af fasteignaskatti til þeirra elli- og örorkulífeyrisþega, sem búa í eigin íbúð. Miðast afslátturinn við eftirfarandi tekjumörk í framtali ársins 2018:

100% lækkun:

Einstaklingar með heildarárstekjur allt að 4.711.500 krónur (var 4.500 þ).

Hjón með heildarárstekjur allt að 6.020.300 krónur (var 5.750 þ).

75% lækkun:

Einstaklingar með heildarárstekjur á bilinu frá 4.711.501 - 4.790.100 krónur (var 4.575 þ).

Hjón með heildarárstekjur á bilinu 6.020.301 - 6.334.400 krónur (var 6.050 þ).

50% lækkun:

Einstaklingar með heildarárstekjur á bilinu 4.790.101 - 4.868.600 krónur (var 4.650 þ).

Hjón með heildarárstekjur á bilinu 6.334.401 - 6.648.500 krónur (var 6.350 þ).

25% lækkun:

Einstaklingar með heildarárstekjur á bilinu 4.868.601 - 4.947.100 krónur (var 4.725 þ).

Hjón með heildarárstekjur á bilinu 6.648.501 - 6.962.600 krónur (var6.650 þ).

Bæjarstjórn samþykkir tillöguna með 11 atkvæðum.

e) Veittur verður styrkur til greiðslu fasteignaskatts af fasteignum þar sem fram fer starfsemi sem ekki er rekin í ágóðaskyni, svo sem menningar-, íþrótta-, æskulýðs- og tómstundastarfsemi og mannúðarstörf, sbr. sérstakar reglur bæjarstjórnar þar um.

Bæjarstjórn samþykkir tillöguna með 11 atkvæðum.

III. Bæjarstjórn Kópavogs samþykkir á grundvelli laga nr. 7/1998 um hollustuhætti og mengunarvarnir, að leggja sérstakt sorphirðu- og eyðingargjald á hverja íbúð í Kópavogi á árinu 2019. Gjaldið hækkar vegna aukins úrgangs og vegna gjaldskrárhækkana Sorpu og verður kr. 36.800 á íbúð (var 33.300). Enn fremur verði heimilt að leggja á aukatunnugjald. Innheimta skal gjaldið með fasteignagjöldum og eru gjalddagar þeir sömu.

Bæjarstjórn samþykkir tillöguna með 11 atkvæðum.

Forseti bar undir fundinn breytingartillögu bæjarstjóra, dags. 27. nóvember 2019.

Bæjarstjórn samþykkir tillöguna með 11 atkvæðum.

Bæjarstjórn samþykkir fjárhagsáætlun fyrir árið 2019 svo breytta með 11 atkvæðum.

Forseti bar undir fundinn tillögu að gjaldskrá dagforeldra.

Bæjarstjórn samþykkir tillöguna með 11 atkvæðum.

Forseti bar undir fundinn tillögu að gjaldskrá mötuneyta og dægradvala í grunnskólum.

Bæjarstjórn samþykkir tillöguna með 11 atkvæðum.

Forseti bar undir fundinn tillögu að gjaldskrá leikskóla.

Bæjarstjórn samþykkir tillöguna með 11 atkvæðum.

Forseti bar undir fundinn tillögu að gjaldskrá einkagrunnskóla.

Bæjarstjórn samþykkir tillöguna með 11 atkvæðum.

Forseti bar undir fundinn tillögu að gjaldskrá Skólahljómsveitar Kópavogs.

Bæjarstjórn samþykkir tillöguna með 11 atkvæðum.

Forseti bar undir fundinn tillögu að gjaldskrá frístundaklúbbsins Hrafnsins.

Bæjarstjórn samþykkir tillöguna með 11 atkvæðum.

Forseti bar undir fundinn tillögu að gjaldskrá fyrir Bókasafn Kópavogs.

Bæjarstjórn samþykkir tillöguna með 11 atkvæðum.

Forseti bar undir fundinn tillögu að gjaldskrá fyrir sundlaugar Kópavogs.

Bæjarstjórn samþykkir tillöguna með 11 atkvæðum.

Forseti bar undir fundinn tillögu að gjaldskrá fyrir íþróttahús og knatthallir Kópavogs.

Bæjarstjórn samþykkir tillöguna með 11 atkvæðum.

Forseti bar undir fundinn tillögu að gjaldskrá fyrir heimaþjónustu.

Bæjarstjórn samþykkir tillöguna með 11 atkvæðum.

Forseti bar undir fundinn tillögu að gjaldskrá fyrir einkaleikskóla.

Bæjarstjórn samþykkir tillöguna með 11 atkvæðum.

Forseti bar undir fundinn tillögu að gjaldskrá fyrir sérdeildir grunnskóla.

Bæjarstjórn samþykkir tillöguna með 11 atkvæðum.

Forseti bar undir fundinn tillögu að fjárhagsáætlun fyrir árin 2020-2022.

Bæjarstjórn samþykkir þriggja ára fjárhagsáætlun fyrir árin 2020-2022 með 11 atkvæðum.

Bókun:

"Fjárhagsáætlun Kópavogs fyrir árið 2019 var unnin af fulltrúum allra flokka fjórða árið í röð. Verklagið sýnir að bæjarfulltrúar eru tilbúnir að bera ábyrgð á fjármálum bæjarins hvar í flokki sem þeir standa. Þrátt fyrir þessa samvinnu hafa flokkarnir ólíkar áherslur sem þeir standa fyrir.

Bæjarfulltrúar þakka starfsmönnum bæjarins fyrir þeirra vinnu við gerð fjárhagsáætlunarinnar."

Frá bæjarstjóra, lögð fram tillaga að fjárhagsáætlun Kópavogsbæjar og stofnana fyrir árið 2019 og tillaga að þriggja ára fjárhagsáætlun 2020-2022.

Hlé var gert á fundi kl. 17.30. Fundi var fram haldið kl. 17.40.

Bæjarstjórn samþykkir með 11 atkvæðum að vísa tillögu að fjárhagsáætlun 2019 og þriggja ára fjárhagsáætlun 2020-2022 til seinni umræðu.

Frá bæjarstjóra, lögð fram drög að fjárhagsáætlun Kópavogsbæjar og stofnana fyrir árið 2019 og drög að þriggja ára fjárhagsáætlun 2020-2022.

Bæjarráð vísar tillögu að fjárhagsáætlun 2019 og tillögu að þriggja ára áætlun 2020-2022 til bæjarstjórnar til fyrri umræðu með fimm atkvæðum.