Greinargerð um dagdvalar- og hjúkrunarrými

Bréf sviðsstjóra velferðarsviðs dags. 28 nóvember 2019 og greinargerð deildarstjóra þjónustu- og ráðgjafardeildar aldraðra dags. 15. janúar 2020 lögð fram til upplýsingar.

Lagt fram.

Greinargerð deildarstjóra dags. 15. janúar 2020 lögð fram til upplýsingar.

Lagt fram.

Vísað til öldungaráðs til upplýsingar.

Á fundi velferðarráðs dags. 14. október 2019 var sviðsstjóra falið að fylgja því eftir að metnir yrðu möguleikar á að fjölga dagdvalarrýmum í bæjarfélaginu.

Bréf dags. 28. nóvember 2019, varðandi stöðu málsins, lagt fram til upplýsingar.

Velferðarráð fagnar þeim skrefum sem tekin hafa verið og felur sviðsstjóra að óska eftir samningi við heilbrigðisráðuneytið um fjölgun dagdvalarrýma í bænum.

Greinargerð deildarstjóra þjónustu- og ráðgjafardeildar aldraðra dags. 30. nóv. 2018 lögð fram til upplýsingar.

Öldungaráð leggur áherslu á aukinn fjölda dagdvalarrýma í bæjarfélaginu. Slík úrræði eru forvörn og viðhalda oft á tíðum heilsu og lífsgæðum aldraðra, auk þess sem dagdvalir geta dregið úr innlögnum á hjúkrunarheimili og þar með aukið möguleika aldraðra til að búa á eigin heimili.

Fjölgun dagdvalarrýma er háð fjárveitingu ríkisins en Kópavogsbær leggur til húsnæði. Öldungaráð hvetur því til að markviss greining fari fram á þeim húsnæðiskosti sem nú þegar er í eigu bæjarins, til þess að meta hvort mögulegt sé að fjölga dagdvalarrýmum innan þeirra eininga.

Hlutfall aldraðra í Kópavogi er nú 12,8% og ekkert bendir til annars en að það fari hækkandi á komandi árum. Sveitarfélagið verður að bregðast við þessari þróun með fyrrgreindri áætlun um fjölgun dagdvalarrýma sem og með öflugri og samþættri heimahjúkrun og heimaþjónustu.

Lagt fram til umræðu að beiðni sviðsstjóra.

Fyrir liggur samantekt um fjölda hjúkrunarrýma og dagdvalarrýma í Kópavogi og fjölda aldraðra á biðlistum eftir þessum úrræðum. Velferðarráð leggur áherslu á mikilvægi þjónustu við þennan aldurshóp og að núverandi þjónustugeta annar ekki þeim þjónustuþörfum sem eru til staðar og þá sérstaklega með tilliti til fjölda hjúkrunarrýma og dagdvalarrýma í bæjarfélaginu. Þrátt fyrir að starfsmannahald hafi verið styrkt og innlitsþjónusta aukin, þarf að gera betur til að mæta auknum þjónustuþörfum eldri Kópavogsbúa. Sérstaklega er knýjandi þörf fyrir frekari uppbyggingu hjúkrunarrýma og fjölgun dagdvalarrýma, sem bæjarfélagið hefur, með takmörkuðum árangri, lagt áherslu á á undanförnum árum. Að auki þarf að styrkja grunnþjónustu í nærumhverfinu með öllum mögulegum ráðum. Velferðarráð felur sviðsstjóra að koma með tillögur að endurskoðun og breyttum áherslum í heimaþjónustu á næsta fund ráðsins.