Tillaga um að Kópavogsbær taki yfir heimahjúkrun aldraðra

Greinargerð dags. 26. nóvember 2019 sem tekin var fyrir á fundi bæjarráðs þann 28. nóvember sl. Bæjarráð vísaði málinu til velferðarráðs til úrvinnslu.

Lagt fram.

Frá bæjarstjóra, dags. 26. nóvember, lögð fram greinargerð um tillögu um að Kópavogsbær taki yfir heimahjúkrun aldraðra.

Bæjarráð vísar málinu til velferðarráðs til úrvinnslu.

Frá bæjarfulltrúum Pírata, Samfylkingar og BF Viðreisnar; ósk um upplýsingar um þá tillögu sem kom frá bæjarfulltrúum Pírata, Samfylkingar og BF Viðreisnar um að bæjarstjóra væri falið að greina á kosti og galla þess að Kópavogsbær yfirtaki heimahjúkrun aldraðra af heilsugæslunni. Tillagan kom fram á fundi bæjarstjórnar þann 9. apríl 2019.

Bæjarráð vísar erindinu til bæjarstjóra.

Frá bæjarfulltrúum Samfylkingar, BF Viðreisnar og Pírata, tillaga um að Kópavogur taki yfir heimahjúkrun aldraðra frá heilsugæslu höfuðborgarsvæðisins með það að markmiði að samþætta heimaþjónustu sem veitt er af Kópavogsbæ og heimahjúkrun sem veitt er af ríkisvaldinu. Bæjarstjóra verði falið að ganga til viðræðna við heilbrigðisráðuneytið um yfirtöku Kópavogs á málaflokknum. Tillögunni verði jafnframt vísað til Öldungaráðs til umsagnar.

Breytingartillaga:

Lagt er til að í stað þess að bæjarstjóra verði falið að ganga til viðræðna við heilbrigðisráðuneytið verði bæjarstjóra falið að meta kosti og galla þess að yfirtaka heimahjúkrun aldraðra frá heilsugæslunni. Við úrvinnsluna verði meðal annars gerð kostnaðargreining á verkefninu, skýr verkefnalýsing og hvort lagalegir annmarkar kunni að vera á því.

Ármann Kr. Ólafsson

Margrét Friðriksdóttir

Karen E. Halldórsdóttir

Hjördís Ýr Johnson

Guðmundur G. Geirdal

Birkir J. Jónsson

Fundarhlé hófst kl. 17:25, fundi fram haldið kl. 17:31

Bókun:

"Undirrituð fagna áhuga meirihlutans á málinu og breytingartillögu þeirra um greiningu, enda gerir tillaga okkar ráð fyrir að slík greining fari fram."

Theodóra S. Þorsteinsdóttir

Einar Ö. Þorvarðarson

Pétur H. Sigurðsson

Bergljót Kristinsdóttir

Sigurbjörg E. Egilsdóttir

Bæjarstjórn samþykkir breytingartillöguna með 11 atkvæðum.

Bæjarstjórn samþykkir tillöguna svo breytta með 11 atkvæðum.