Umsókn um lóð fyrir hjúkrunarheimilið Sunnuhlíð

Frá bæjarstjóra, lögð fram uppfærð drög að viljayfrlýsingu Kópavogsbæjar og Heilbrigðisráðuneytis um byggingu hjúkrunarheimilis

í Kópavogi fyrir allt að 120 rými.

Fundarhlé hófst kl. 16:05, fundi fram haldið kl. 16:08.

Fundarhlé hófst kl. 17:51, fundi fram haldið kl. 18:31

Bæjarstjórn samþykkir með 11 atkvæðum tillögu að framlagðri viljayfirlýsingu.

Viðaukatillaga Theódóru S. Þorsteinsdóttur og Einars A. Þorvarðarsonar, sbr. fyrsta tölulið i. liðar er varðar fundarsköp í 16. gr. bæjarmálasamþykktar Kópavogsbæjar.

Viðaukatillaga 1: Að gerð verði þarfagreining á þjónustu fyrir fötluð börn og ungmenni í Kópavogi samhliða þeirri vinnu sem nú fer í gang um fýsileika þess að byggja hjúkrunarheimili fyrir allt að 120 rými við Kópavogstún.

Bæjarstjórn samþykkir með 11 atkvæðum viðaukatillögu 1

Viðaukatillaga 2: Að Kópavogsbær hefji viðræður við ríkið um kaup á fasteignum (landi og mannvirkjum) við Kópavogbraut til að tryggja áfram starfsemi Arnarskóla og heildarskipulagi svæðisins.

Bæjarstjórn samþykkir með 11 atkvæðum viðaukatillögu 2.

Í Arnarskóla (sem er sjálfseignarstofnun) eru 34 nemendur og rúmlega 60 starfsmenn. Allir nemendurnir eru fatlaðir, einhverfir eða með önnur þroskafrávik og þurfa mikinn stuðning í leik og starfi.

Húsnæðið við Kópavogsbraut 5b hentar fullkomlega, er í góðu standi og nýbúið að byggja það upp fyrir tugi milljóna. Arnarskóli er í dag á lóðarstubb í eigu ríkissins.

Undirrituð hafa fullan skilning á þörf fyrir nýju hjúkrunarheimili en þörfin fyrir fjárfestingum í lífsgæðum fatlaðra barna og ungmenna er líka gríðarleg. Svæðið við Kópavogsbraut er einnig mikilvægt fyrir slíka uppbyggingu. Því þarf að meta þessi tvö erindi samhliða, þ.e að þarna rísi hjúkrunarheimili og frekari uppbygging og þjónusta við fötluð börn og ungmenni.

Mögulega kemst öll þessi starfsemi fyrir á svæðinu, bæði hjúkrunarheimili og bætt þjónusta fyrir fötluð börn og ungmenni.

Sameiginlegt sérhæft leiksvæði, leikskóli fyrir börn sem þurfa stuðning, frístund eftir skóla og húsnæði undir starfsemi Traðar eru dæmi um verkefni sem hægt væri að ráðast í á svæðinu.

Þess vegna er óskað eftir þarfagreiningu á þjónustu við fötluð börn og ungmenni í Kópavogi samhliða þeirri vinnu sem nú fer í gang um fýsileika þess að byggja hjúkrunarheimili fyrir allt að 120 rými við Kópavogstún.

Frá bæjarstjóra, lögð fram uppfærð drög að viljayfrlýsingu Kópavogsbæjar og Heilbrigðisráðuneytis um byggingu hjúkrunarheimilis

í Kópavogi fyrir allt að 120 rými.

Bæjarráð samþykkir með fjórum atkvæðum gegn atkvæði Theódóru S. Þorsteinsdóttur að vísa málinu til afgreiðslu bæjarstjórnar.

Fundarhlé hófst kl. 12:01, fundi fram haldið kl. 12:12.

Bókun:

"Undirrituð telur engan vegin tímabært að lofa úthlutun lóðar við Kópavogstún.

Viljayfirlýsingin ber með sér nákvæmlega sama markmið og áður hefur verið óskað eftir, þ.e 120 rýma hjúkrunarheimili en að þessu sinni einungis á lóð Kópavogsbæjar, ekki á lóð ríkisins sem hýsir Arnaskóla. Það er alveg ljóst að slíkt fjölbýli rúmast ekki innan lóðar Kópavogsbæjar. Íbúar hafa þegar hafnað slíku byggingarmagni. Undirrituð telur mikilvægt að umræða fari fram um uppbyggingu á þjónustu fyrir fötluð börn og ungmenni á svæðinu áður en ákveðið er að vinna fari fram til undirbúnings á nýju hjúkrunarheimili. Aðrir kostir fyrir nýtt hjúkrunarheimili hafa ekki verið skoðaðir."

Theódóra S. Þorsteinsdóttir

Bókun:

"Ég tek undir bókun Theódóru S. Þorsteinsdóttur."

Sigurbjörg E. Egilsdóttir

Frá bæjarstjóra, dags. 13.09.2021, lögð fram drög að sameiginlegri viljayfirlýsingu heilbrigðisráðuneytis og Kópavogsbæjar um byggingu nýs hjúkrunarheimilis. Bæjarráð frestaði málinu á fundi sínum þann 16.09.2021.

Bæjarstjórn frestar erindinu.

Frá bæjarstjóra, dags. 13.09.2021, lögð fram drög að sameiginlegri viljayfirlýsingu heilbrigðisráðuneytis og Kópavogsbæjar um byggingu nýs hjúkrunarheimilis. Bæjarráð frestaði málinu á fundi sínum þann 16.09.2021.

Bæjarráð samþykkir vísa erindinu til afgreiðslu bæjarstjórnar.

Fundarhlé hófst kl. 10:27, fundi fram haldið kl. 10:41

Frá bæjarstjóra, dags. 13.09.2021, lögð fram drög að sameiginlegri viljayfirlýsingu heilbrigðisráðuneytis og Kópavogsbæjar um byggingu nýs hjúkrunarheimilis.

Bæjarráð frestar málinu til næsta fundar.

Frá bæjarstjóra, dags. 29. október, lögð fram umsögn um umsókn Sunnuhlíðar um lóð fyrir hjúkrunarheimilið.

Bæjarráð samþykkir eftirfarandi með fimm atkvæðum:

Kópvogsbær lýsir sig hér með reiðubúinn til þess að skoða úthlutun á lóðum 5 til 17 við Kópavogsbraut fyrir hjúkrunarheimili ásamt hjúkrunaríbúðum. Ný lóð yrði samtals 14.800 m2. Þar af leggur Kópavogsbær til 7.840 m2 og ríkið 6.960 m2. Kópavogsbær lýsir jafnframt yfir vilja til þess að koma að fjármögnun byggingar hjúkrunarheimilisins með 15% framlagi. Yfirlýsing þessi er gerð með fyrirvara um að ríkið lýsi jafnframt yfir ofangreindum vilja til úthlutunar lóða og 85% fjármögnunar við byggingu nýs heimilis.

Frá Sunnuhlíð, dags. 14. maí, lögð fram umsókn um lóð fyrir hjúkrunarheimilið Sunnuhlíð.

Bæjarráð vísar erindinu til sviðsstjóra umhverfissviðs til umsagnar.