Bæjarráð - 2976. fundur

Kynning á nýjum drögum að skortkorti fyrir Kópavog.

Lagt fram.

Hlé var gert á fundi kl. 8.20. Fundi var fram haldið kl. 10.00.

Frá bæjarstjóra, lögð fram drög að fjárhagsáætlun Kópavogsbæjar og stofnana fyrir árið 2020 og drög að þriggja ára fjárhagsáætlun 2021-2023.

Hlé var gert á fundi kl. 10.15. Fundi var fram haldið kl. 10.45.

Bæjarráð samþykkir með fimm atkvæðum að leggja framlagða áætlun fyrir bæjarstjórn Kópavogs.

Frá bæjarstjóra, dags. 29. október, lögð fram umsögn um umsókn Sunnuhlíðar um lóð fyrir hjúkrunarheimilið.

Bæjarráð samþykkir eftirfarandi með fimm atkvæðum:

Kópvogsbær lýsir sig hér með reiðubúinn til þess að skoða úthlutun á lóðum 5 til 17 við Kópavogsbraut fyrir hjúkrunarheimili ásamt hjúkrunaríbúðum. Ný lóð yrði samtals 14.800 m2. Þar af leggur Kópavogsbær til 7.840 m2 og ríkið 6.960 m2. Kópavogsbær lýsir jafnframt yfir vilja til þess að koma að fjármögnun byggingar hjúkrunarheimilisins með 15% framlagi. Yfirlýsing þessi er gerð með fyrirvara um að ríkið lýsi jafnframt yfir ofangreindum vilja til úthlutunar lóða og 85% fjármögnunar við byggingu nýs heimilis.

Frá starfsmannadeild, dags. 7. október, lögð fram umsókn Margrétar Hlínar Sigurðardóttur um launað námsleyfi. Lagt er til að henni verði veitt launað námsleyfi í 3 mánuði á haustönn 2020 gegn því skilyrði að hún vinni áfram hjá Kópavogsbæ að námi loknu í þrefaldan þann tíma. Bæjarráð samþykkti 2 mánaða námsleyfi vegna vorannar 2020 á síðasta fundi.

Bæjarráð samþykkir með fimm atkvæðum tillögu um námsleyfi í 3 mánuði á haustönn 2020.

Frá Lánasjóði Sveitarfélaga, dags. 21.10.2019, lagt fram erindi varðandi áreiðanleikakönnun viðskiptamanna í tengslum við aðgerðir gegn peningaþvætti og fjármögnun hryðjuverka.

Bæjarráð vísar erindinu til bæjarlögmanns til úrvinnslu.

Frá Umhverfis- og sammgöngunefnda Alþingis, dags. 22.10.2019, lögð fram ósk um umsögn á frumvarpi til laga um breytingu á sveitarstjórnarlögum nr. 138/2011 (íbúakosningar um einstök mál), þingmannafrumvarp.

Lagt fram.

Sigurbjörg Erla Egilsdóttir lagði fram eftirfarandi bókun:

"Píratar í Kópavogi fagna frumvarpinu, sem hefur það markmið að skýra og auka frelsi sveitarfélaga til þess að kalla til borgarafundar annars vegar og til þess að halda íbúakosningar um einstök málefni hins vegar. Málskots- og frumkvæðisréttur eru mikilvæg aðhaldstæki fyrir íbúa sveitarfélaga til að kalla til samtals og mikilvægt er að því séu gerð betri skil í lögum. Þetta er sjálfsagt skref í takt við auknar lýðræðiskröfur samfélagsins, og ekki veitir af ef raunverulegur vilji er til þess að auka traust á stjórnkerfinu.

Sigurbjörg Erla Egilsdóttir"

Frá Allsherjar- og menntamálanefnd Alþingis, dags. 25.10.2019. Lögð fram ósk um umsögn á frumvarpi til laga um grunnskóla (ritfangakostnaður), þingmannafrumvarp.

Lagt fram.

Frá Atvinnuveganefnd Alþingis, dags. 22. október, lagt fram til umsagnar frumvarp til laga um jarðalög (forkaupsréttur sveitafélaga), þingmannafrumvarp.

Lagt fram.

Fundargerð í 13 liðum.

Lagt fram.

Fundargerð í 3 liðum.

Lagt fram.

Fundargerð í 9 liðum.

Lagt fram.