Staðan í kjaramálum félagsmanna Eflingar stéttarfélags sem starfa hjá Kópavogsbæ

Frá starfsmannastjóra, dags. 22. júlí, lögð fram umsögn vegna erindis er varðar kjaramál félagsmanna Eflingar stéttarfélags sem starfa hjá Kópavogsbæ.

Lagt fram.

Theódóra Þorsteinsdóttir óskaði fært til bókar að hún taki undir sjónarmið í umsögn starfsmannastjóra.

Bæjarráð samþykkir með fjórum atkvæðum gegn atkvæði Péturs Hrafns Sigurðssonar að vísa erindi Eflingar til Sambands íslenkra sveitarfélaga með vísan til þess að Kópavogsbær hefur falið Sambandinu fullnaðarumboð varðandi gerð kjarasamninga.

Pétur Hrafn Sigurðsson og Sigurbjörg Erla Egilsdóttir lögðu fram eftirfarandi bókun:

"Undirrituð voru samþykk því að verða við erindi Eflingar um eingreiðslu. Ljóst er að sú greiðsla sem sumt starfsfólk Kópavogsbæjar fær 1. ágúst er tilkomin þar sem kjarasamningar hafa dregist úr hófi. Það er með öllu óeðlilegt að hluti starfsfólksins, sem eru í þessari stöðu, skuli fá greiðslu um þessi mánaðarmót en aðrir ekki.

Með þessari þessari tillögu er ekki verið að taka afstöðu á neinn hátt til kjaraviðræðna SGS og sveitarfélaganna, né heldur er verið að lýsa vantrausti á samninganefnd Sambands Íslenskra Sveitarfélaga. Hér er aðeins verið að tryggja að jafnræði ríki milli alls starfsfólks Kópavogsbæjar. Það er ólíðandi að lægst launuða starfsfólkið fái ekki sambærilega greiðslu vegna stöðu kjaraviðræðna og annað starfsfólk bæjarins. Eðlilegt er að slík greiðsla komi á sama tíma til alls starfsfólks og því er brýnt að bæjarráð afgreiði tillöguna jákvætt þannig að unnt verði að greiða starfsfólki sem heyrir undir samninga SGS eingreiðslu að upphæð 105 þúsund krónur þann 1. ágúst nk.

Pétur Hrafn Sigurðsson, Sigurbjörg Erla Egilsdóttir"

Frá Eflingu stéttarfélagi, dags. 3. júlí, lagt fram erindi um stöðuna í kjaramálum félagsmanna sem starfa hjá Kópavogbæ þar sem farið er fram á eingreiðslu þann 1. ágúst nk. til þeirra sem starfa eftir samningi Eflingar.

Bæjarráð vísar málinu til starfsmannastjóra til umsagnar.