Íþróttakarl og Íþróttakona Kópavogs - Framkvæmd kjörsins 2019

Tekið til afgreiðslu kjör á íþróttakonu og íþróttakarli Kópavogs 2019. Netkosning meðal bæjarbúa stóð yfir frá 21. des til 31.des sl. Þetta er í fjórða sinn sem bæjarbúar taka beinan þátt í kjörinu. Lagðar fram niðurstöður úr kjöri íþróttaráðs og kjöri íbúa bæjarins.

Íþróttaráð lýsir ánægju sinni með það, að nú fjórða sinn taki íbúar beinan þátt í kjöri á íþróttakonu og íþróttakarli Kópavogs.

Íþróttaráð samþykkir að útnefna Berglindi Björk Þorvaldsdóttur knattspyrnukonu sem Íþróttakonu Kópavogs 2019 og Valgarð Reinhardsson fimleikamann sem Íþróttakarl Kópavogs 2019.

Íþróttaráð samþykkir framlag að upphæð 200.000 kr. til íþróttakonu Kópavogs og 200.000 kr. til íþróttakarls Kópavogs.

Árið 2016 ákvað íþróttaráð, að gefa bæjarbúum tækifæri til að taka beinan þátt í kjöri á íþróttakonu og íþróttakarls Kópavogs með rafrænni kosningu. Góð reynsla hefur verið af því fyrirkomulagi sl. ár.

Íþróttaráð samþykkir að rafræn kosning verði meðal íbúa og að unnið verði út frá sömu reglum og verið hefur sl. 3 ár.

Íþróttaráð samþykkir jafnframt að vefkosningin standi yfir frá 21.des til og með 31. desember 2019 og verða niðurstöður kjörsins kunngerðar á Íþróttahátíð Kópavogs 2019 í Sprettarahöllinni þann 3. janúar nk.

Lagðar fram Reglur um kjör íþróttakonu og íþróttakarls Kópavogs ásamt vinnureglum þar að lútandi.

Íþróttaráð óskar eftir talnalegri greiningu á vægi atkvæða fulltrúa íþróttaráðs og atkvæðum íbúa í rafrænni kosningu sl. 3ja ára. Íþróttaráð mun á næsta fundi meta hvort tilefni er til breytinga á vægi atkvæða í kosningunni. Frestað.