Íþróttaráð - 97. fundur

Á 57. fundi íþróttaráðs, 3. mars 2106 voru samþykktar Vinnureglur íþróttadeildar um eftirlit með gjaldskrárbreytingum æfingagjalda hjá íþróttafélögum í Kópavogi. Markmið reglnanna er m.a. að tryggja að verðlagning þeirrar þjónustu sem veitt er hverju sinni á þeirra vegum, endurspegli eingöngu þann kostnað til fellur við að veita þá þjónustu sem um ræðir.

Óskað hefur verið eftir upplýsingum frá íþróttafélögunum sem teknar verða til umræðu á næstu fundum ráðsins.

Umræðu frestað.

Íþróttahátíð Kópavogs hefur verið haldin í samvinnu við íþróttafélög í bænum á starfsstöðvum þeirra sl. 5 ár.

Íþróttaráð samþykkir að íþróttahátíð Kópavogs 2019 verði haldin í Reiðhöll Sprettara í samvinnu við Hestamannafélagið Sprett í byrjun janúar.

Lagðar fram tilnefningar íþróttafélaganna á íþróttafólki sínu til íþróttakarls og íþróttakonu Kópavogs 2019.

Íþróttaráð frestar afgreiðslu málsins til næsta fundar enda verði komnar ítarlegri upplýsingar.

Lagðar fram tilnefningar íþróttafélaganna til flokks ársins í Kópavogi 2019.

Íþróttaráð frestar afgreiðslu málsins til næsta fundar.

Lagðar fram Reglur um kjör íþróttakonu og íþróttakarls Kópavogs ásamt vinnureglum þar að lútandi.

Íþróttaráð óskar eftir talnalegri greiningu á vægi atkvæða fulltrúa íþróttaráðs og atkvæðum íbúa í rafrænni kosningu sl. 3ja ára. Íþróttaráð mun á næsta fundi meta hvort tilefni er til breytinga á vægi atkvæða í kosningunni. Frestað.

Íþróttaráð samþykkti á 89. fundi ráðsins 10. jan. sl., að veita íþróttafólki úr Kópavogi viðurkenningu fyrir þátttöku í alþjóðlegum mótum/keppnum í meistaraflokki sem falla undir Evrópumót og heimsmeistaramót eða mótum innan Ólympíuraða óháð aldri.

Starfsmönnum falið að óska eftir upplýsingum frá íþróttafélögunum.

Drög að Jafnréttisáætlun Kópavogs 2018-2022 voru lögð fram til kynningar á 95.fundi ráðsins og frestað.

Íþróttaráð leggur til að deildarstjóra íþróttadeildar og sviðsstjóra menntasviðs verði falið að yfirfara jafnréttisáætlun, m.t.t. þeirra ábendinga sem fram koma frá nefndarmönnum og skila umsögn um áætlunina.

Lagður fram til kynningar samningur milli UMFÍ, UMSK og Kópavogsbæjar sem undirritaður var 31. okt. sl.

Íþróttaráð lýsir ánægju með verkefnið.

Lagt fram erindi sem barst í tölvupósti 14. okt sl., frá íbúa í Kópavogi varðandi frístundastyrk fyrir barn sem stundar rafíþróttir í öðru bæjarfélagi.

Íþróttaráð samþykkir að þátttaka í rafíþróttum í skipulögðu starfi sbr. 4 gr. reglna um frístundastyrki Kópavogsbæjar falli undir frístundakerfi Kópavogsbæjar.