Óskað eftir umfjöllun um kjaramun aðal- og varamanna

Frá fjármálastjóra, dags. 14. september, lögð fram umsögn um kjaramun aðal- og varamanna í nefndum og ráðum bæjarins.

Lagt fram.

Forsætisnefnd frestar erindinu til næsta fundar.

Frá lögfræðideild, dags. 20. febrúar, lagt fram erindi vegna fyrirspurnar um kjaramun aðal- og varamanna í nefndum og ráðum bæjarins.

Forsætisnefnd vísar málinu til umsagnar fjármálastjóra.

Frá Karen E. Halldórsdóttur, fyrirspurn þar sem óskað er eftir því að forsætisnefnd fjalli um hversu eðlilegt eða rétt það er að varamenn í ráðum með sömu ábyrgð og aðalmenn fái lægra greitt en aðalmenn. Óskað er eftir rökstuðningi eða leiðréttingu á þessum kjaramun.

Forsætisnefnd vísar erindinu til umsagnar bæjarritara.

Bókun Theódóru S. Þorsteinsdóttur:

"Tek heilshugar undir með bæjarfulltrúa Karen E. Halldórsdóttur um það hrópandi óréttlæti sem falið er í kjaramun aðal- og varamanna í ráðum og styð eindregið að lækka kjör aðalmanna í ráðum hjá Kópavogsbæ."

Fundarhlé hófst kl. 16:42, fundi fram haldið kl. 16:45.

Bókun Margrétar Friðriksdóttur og Birkis Jóns Jónssonar:

"Það er eðlilegt að þessi mál séu skoðuð og óskum við eftir að bæjarritari afli gagna um málið m.a. með tilliti til annarra sveitarfélaga."