Fyrirspurn bæjarfulltrúa Pírata um hvort bæjarfulltrúi Sjálftæðisflokks hefði brotið siðareglur

Lögð fram afgreiðsla siðanefndar Sambands íslenskra sveitarfélaga á erindi forsætisnefndar um hvort bæjarfulltrúi hefði brotið siðareglur bæjarfulltrúa Kópavogs.

Lagt fram.

Lögð fram umsögn lögfræðideildar um hvort bæjarfulltrúi hafi brotið siðareglur bæjarfulltrúa Kópavogs með hátterni sínu, sem meirihluti forsætisnefndar vísaði til umsagnar bæjarlögmanns á fundi sínum þann 23. janúar sl. Á fyrrgreindum fundi kom fram tillaga um að erindinu yrði vísað til siðanefndar Sambands íslenskra sveitarfélaga, en meirihluti forsætisnefndar frestaði því að taka afstöðu til tillögunar til næsta fundar.

Forsætisnefnd samþykkir að málinu verði vísað til siðanefndar Sambands íslenskra sveitarfélaga.

Bókun Theódóru S. Þorsteinsdóttur:

"Óska eftir upplýsingum um hvort Kópavogsbær hafi á einhverjum tímapunkti verið kröfuhafi í þrotabú fyrirtækis bæjarfulltrúans Guðmundar Gísla Geirdals."

Fyrirspurn frá bæjarfulltrúa Pírata um hvort bæjarfulltrúi hafi brotið siðareglur bæjarfulltrúa Kópavogs með hátterni sínu.

Samþykkt með tveimur atkvæðum að leita eftir umsögn bæjarlögmanns. Theodóra S. Þorsteinsdóttir sat hjá.

Theodóra S. Þorsteinsdóttir bókar: ,,Ég óska eftir að erindinu verði vísað til siðanefndar Sambands íslenskra sveitarfélaga".

Margrét Friðriksdóttir og Birkir Jón Jónsson bóka: ,,Við leggjum til að afstaða til þess hvort vísa eigi erindinu til siðanefndar Sambandsins verði frestað til næsta fundar".