Fyrirspurn bæjarfulltrúa Theodóru S. Þorsteinsdóttur um aðgerðir í leikskólamálum

Frá sviðsstjóra menntasviðs, lagt fram svar við fyrirspurn um aðgerðir í leikskólamálum frá 16. janúar. Lögð fram samantekt um umbótaaðgerðir í starfsumhverfi leikskóla Kópavogs á árunum 2014-2019, ásamt kostnaðargreiningu vegna búnaðarkaupa, yfirliti yfir framkvæmdir og viðhaldskostnað og spá um þróun faghlutfalls í leikskólum næstu 5 árin.

Lagt fram og vísað til kynningar leikskólanefndar.

Bókun bæjarráðs:

"Á síðustu árum hefur markvisst verið unnið að því að bæta starfsumhverfi barna og starfsmanna í leikskólunum. Brugðist hefur verið við aðstæðum með margvíslegum aðgerðum sem miðað hafa að því að bæta aðbúnað, styrkja faglegt starf, bæta mönnun og auka stöðugleika í starfsmannahaldi og styrkja vellíðan barna og starfsmanna.



Aðgerðir eins og námsstyrkir til starfsmanna til að sækja nám í leikskólafræðum, launuð námsleyfi fyrir leikskólakennara, fjármagn í þróunarsjóð leikskóla og aðrar þær fjölmörgu aðgerðir sem koma fram í minnisblaði sviðstjóra menntasviðs, hafa borið góðan árangur og mun skila sér til framtíðar fyrir börn og starfsfólk í Kópavogi."