Hafnarreglugerð

Frá lögfræðideild, dags. 6. desember 2022, lögð fram umsögn um hafnarreglugerð og skipulag hafnarsvæðis.

Lagt fram.

Hafnarreglugerð.

Bókun í hafnarstjórn fyrir hönd Vina Kópavogs:

"Reitur 13 er á hafnarsvæði samkvæmt hafnarreglugerð nr. 983/2003 fyrir Kópavogshöfn og uppdrætti sem samþykktur var í hafnarstjórn Kópavogs 15. desember 1989 og staðfestur af skipulagsstjóra ríkisins 29. mars 1990. Í 4.gr. hafnalaga nr. 61/2003 er ráðherra falið að setja reglugerð fyrir hverja höfn að fengnum tillögum eigenda. Samkvæmt tillögu Kópavogsbæjar voru stærð og takmörk hafnarsvæðis á sjó og landi skilgreind í hafnarreglugerðinni. Þar eru jafnframt ákvæði um starfs- og valdsvið hafnarstjórnar. Um skipulag hafnarsvæðis og leyfi til mannvirkjagerðar segir í 5.gr. laganna:„Skipulag hafnarsvæðis skal miðast við þarfir hafnar. Hafnarstjórn gerir tillögu um skipulag hafnarsvæðis til skipulagsnefndar eða sveitarstjórnar....“ „Engin mannvirkjagerð má fara fram á hafnarsvæði nema með samþykki viðkomandi hafnarstjórnar.“ Um stjórnun og rekstur segir í 13.gr. „Sérstakar hafnarstjórnir, sem kosnar eru af sveitarstjórnum, skulu hafa á hendi stjórn hafna og hafnarsjóða í samræmi við reglugerð skv. 4. gr. „. Á landsvæði hafnarinnar eru samkvæmt 1.gr. hafnarreglugerðar: „Lóðir, iðnaðar- og baksvæði.“ Skv. 3.gr. gerir hafnarstjórn tillögur til sveitarstjórnar varðandi skipulagsmál á hafnarsvæðinu, enda hafi tillögurnar fengið umfjöllun skipulagsnefndar. Byggingamál á hafnarsvæðinu skulu hljóta umfjöllun hafnarstjórnar áður en þau eru lögð fyrir sveitarstjórn.“ Hafnarstjóri á samkvæmt 4.gr. hafnarreglugerðar að vinna störf sín í samræmi við ákvæði hafnalaga og hafnareglugerða, og veita hafnarstjórn og sveitarstjórn upplýsingar um málefni hafnarinnar. Í ljósi ofanritaðs er þess óskað að hafnarstjóri leggi fyrir næsta fund hafnarstjórnar umsögn um hlutverk og verkefni hafnarstjórnar varðandi deiliskipulag á reit 13."

Hafnarstjórn vísar hafnarreglugerð til umsagnar bæjarlögmanns.

Lagt fram erindi frá samgöngu- og sveitarstjórnarráðuneytinu, dags.18. nóvember 2020, varðandi breytingar á hafnarreglugerð Kópavogsbæjar.

Erindinu vísað til afgreiðslu bæjarlögmanns.

Umræða um 3.gr. hafnarreglugerðar.

Hafnarstjóri fór yfir 3. gr. hafnarreglugerðar og þróun hafnarinnar frá gildistöku aðalskipulags frá 2012. Stjórnin stefnir að fundi í september til að fara yfir nauðsynlegar framkvæmdir sem þurfa að hafa forgang við næstu fjárhagsáætlunargerð.