Reglur um akstursþjónustu fatlaðra fyrir börn að 16 ára aldri

Reglur um akstursþjónustu fatlaðra fyrir börn að 16 ára aldri lagðar fram til umsagnar. Menntaráð vísaði reglunum til umsagnar notendaráðs á fundi sínum þann 2.2.2021.

Notendaráð samþykkir reglurnar fyrir sitt leyti. Notendaráð hvetur til samráðs við notendur og að gerðar séu reglulegar þjónustukannanir meðal allra notenda ferðaþjónustunnar. Notendaráð hvetur jafnframt til notkunar á tækni og að skráningar og vistun gagna sé í samræmi við persónuverndarlög og að eftirlit með 3 aðila í þessum efnum sé fullnægjandi. Einnig hvetur notendaráð til þess að heildar þjónustan verði aðlöguð með það að markmiði að veita nútímalega og aðgengilega þjónustu fyrir notendur og er þar sérstaklega átt við leiðir til að panta og fylgjast með þjónustu í samræmi við nútíma tækni, td í appi sem sviptar til þess sem strætó og Uber nýta. Notendaráð bendir á að mikilvægt sé að foreldrar geti bæði pantað, haldið utan um og fylgst með ferðum barna sinna, sýnt staðsetningu í rauntíma líkt og í þeirri þjónustu sem strætó býður upp á. Þetta stuðlar að öryggi, betri nýtingu og tekur á kvíða sem notenda og foreldra. Notendaráð vill benda á að í boði þurfa að vera fleiri leiðir til að panta þjónustuna og halda utan um hana sem henta fólki með mismunandi þarfir, aðgengi og þekkingu, leiðir umfram þá þá þjónustu sem veitt er í dag ss. að hringja inn í símaver, bíða og vona að pöntunin hafi farið rétt í gegn, ekki vita af seinkunum, hvort aðrir verði í bílnum ect.

Lagðar fram endurskoðaðar reglur um aksturþjónustu fatlaðra fyrir börn að 16 ára aldri.

Leikskólanefnd samþykkir fyrir sitt leyti reglur um akstursþjónustu fatlaðra barna á leik- og grunnskólastigi með áorðnum breytingum.

Lögð fram tillaga um breytingu á vinnulagi vegna akstursþjónustu fatlaðra fyrir börn að 16 ára aldri ásamt nýjum reglum fyrir þjónustuna.

Menntaráð samþykkir fyrir sitt leyti tillögu um breytingar á vinnulagi varðandi umsóknir um akstursþjónustu fatlaðra barna með öllum greiddum atkvæðum. Jafnframt samþykkir menntaráð fyrir sitt leyti reglur um akstursþjónustu fatlaðra barna á leik- og grunnskólastigi með áorðnum breytingum með öllum greiddum atkvæðum.

Menntaráð vísar reglum um akstursþjónustu fatlaðra barna á leik- og grunnskólastigi til umsagnar notendaráðs fatlaðs fólks.