Leiðbeiningar til sveitarfélaga um framkvæmd frístundaþjónustu fyrir fötluð börn og ungmenni

Fyrirspurn frá nefndarmanni um eftirskólaúrræði fyrir framhaldsskólanemendur í Kópavogi - staða mála

Deildarstjóri þjónustu- og ráðgjafardeildar fatlaðra kynnti stöðu mála.

Notendaráð leggur áherslu á að eftirskólaúrræði fyrir framhaldsskólanemendur verði fundinn framtíðarstaður í bæjarfélaginu hið fyrsta. Uppbygging og þróun úrræðisins þarf að byggja á faglegri samvinnu á milli sviða og bjóða þarf upp á samfellu í þjónustu á milli aldursstiga, allan ársins hring.

Greinargerð deildarstjóra dags. 19.8.21, ásamt þar til greindum fylgiskjölum, lögð fram til afgreiðslu.

Fundarhlé hófst kl. 20:40, fundi fram haldið kl. 21:16

Bæjarstjórn samþykkir erindið með 11 atkvæðum.

Bókun bæjarstjórnar:

"Bæjarstjórn leggur áherslu á, í samræmi við réttindi fatlaðs fólks, að ákvörðun verði endurskoðuð um leið og áætlun um eftirskólaþjónustu við framhaldsskólanemendur liggur fyrir en einnig að könnuð verði samþætting þjónustunnar við Hrafninn."

Greinargerð deildarstjóra dags. 19.8.21, ásamt þar til greindum fylgiskjölum, lögð fram til afgreiðslu.

Bæjarráð vísar erindinu til afgreiðslu bæjarstjórnar.

Greinargerð deildarstjóra dags. 19.8.21, ásamt þar til greindum fylgiskjölum, lögð fram til afgreiðslu.

Velferðarráð samþykkir fyrir sitt leyti að stofnað verði eftirskólaúrræði til samræmis við tillögu starfsmanna. Vísað til afgreiðslu bæjarráðs.

Velferðarráð telur mikilvægt að fyrir árslok 2021 liggi fyrir áætlun til framtíðar um hvernig eftirskólaþjónustu við framhaldsskólanemendur verði háttað í bæjarfélaginu, m.a. m.t.t. staðsetningar og faglegrar stjórnunar. Velferðarráð leggur áherslu á að slík áætlun verði unnin í samstarfi við menntasvið.

Greinargerð deildarstjóra dags. 10.6.21 lögð fram til upplýsingar.

Ljóst er að húsnæði vantar fyrir eftirskólaúrræði fyrir framhaldsskólanema með fötlun frá og með næsta hausti. Velferðarráð lítur stöðuna alvarlegum augum og ljóst er að þörf er á samstarfi velferðar-, mennta- og umhverfissviðs til að finna lausn á henni. Óskað verður eftir fundi með stjórnendum sviðanna.