Vettvangsferð - Útilistaverk og undirgögn við Hamraborg

Svar frá umhverfissviði vegna hugmynda um nýtingu undirganga.

Lagt fram.

Staða útilistaverka í Kópavogi.

Brynja Sveinsdóttir forstöðumaður Gerðarsafns situr fundinn undir þessum lið. Lista- og menningarráð þakkar Brynju fyrir kynninguna. Ráðið samþykkir tillögu forstöðumanns Gerðarsafns og vísar henni til gerðar fjárhagsáætlunar bæjarstjórnar. Ráðið vekur enn fremur athygli á aðkallandi viðgerðum á tveimur verkum Gerðar Helgadóttur sem liggja undir verulegum skemmdum.

Úttekt á tveimur útilistaverkum í geymslu Safnaðarheimilis og vettvangsferð um undirgöngin við Hamraborg.

Vegna samantektar forstöðumanns Gerðarsafns vill lista og menningarráð vekja athygli á og lýsa yfir áhyggjum á ástandi listaverka bæjarins sem mörg hver þarfnast tafarlausra viðgerða og hreinsunar. Slíkt er ekki innan fjárhagsramma ráðsins og leggur það því til að slíkt verði rætt í komandi fjárhagsáætlunargerð Kópavogsbæjar.

Ennfremur bendir ráðið á að í menningarstefnu bæjarins er lögð áhersla á að glæða listir og menningu í opinberu rými. Lista- og menningarráð óskar því eftir umræðu í bæjarstjórn og komandi fjárhagsáætlun um að fjölga útilistaverkum til að lífga upp á nærumhverfi Kópavogsbúa.

Eftir vettvangsferð um undirgöngin við Hamraborg óskar lista- og menningarráð eftir því að skipulagssvið geri úttekt og kostnaðarmat á annars vegar standsetningu ganganna þannig að núverandi útlit haldi sér og hins vegar kostnaðarmat og greiningu á því hvernig hægt væri að nýta göngin fyrir listviðburði á borð við sýningar eða gjörninga með því að bæta aðgengi og lýsingu.

Í vettvansferð lista- og menningarráðs voru einnig með í för Brynja Sveinsdóttir forstöðumaður Gerðarsafns, Lísa Valdimarsdóttir forstöðumaður bókasafnsins, Finnur Ingimarsson forstöðumaður Náttúrufræðistofu og Elísabet Indra Ragnarsdóttir verkefna- og viðburðarstjóri menningarmála.