Tónahvarf 4. Umsókn og beiðni um viðræður um lóð

Frá bæjarlögmanni, dags. 09.05.2023, lagt fram erindi varðandi umsókn um lóðina Tónahvarf 4.

Orri V. Hlöðversson vék af fundi vegna vanhæfis kl. 9:23

Bæjarráð samþykkir með þremur atkvæðum og hjásetu Helgu Jónsdóttur að hafna umsókn Teits Jónassonar ehf. um lóðina Tónahvarf 4.

Bókun:

"Undirrituð ítrekar tillögu sína frá því í bæjarráði frá des 2021 er varðar að Kópavogsbær setji sér reglur um úthlutun atvinnuhúsalóða og að meginreglan verði að allar lóðir verði a.m.k. auglýstar á heimasíðu Kópavogsbæjar."

Thedódóra S. Þorsteinsdóttir

Bókun:

"Undirrituð ítrekar tillögu sína frá 22. júní 2021 um að hefja vinnu við að semja reglur um úthlutun á byggingarrétti fyrir atvinnuhúsnæði. Það er lágmark að lóðir séu auglýstar á vef bæjarins svo öllum megi vera ljóst að þær séu lausar til umsóknar, annað vinnur gegn jafnræði og almannahagsmunum."

Sigurbjörg E. Egilsdóttir

Bókun:

"Ég sit hjá vegna þess að ég tal málið vanbúið til ákvörðunar meðan engar almennar reglur liggja fyrir um úthlutun og auglýsingu atvinnuhúsalóða hjá Kópavogsbæ."

Helga Jónsdóttir

Bókun:

"Undirrituð telja mikilvægt að áður en til úthlutunar kemur sé lóðin auglýst."

Hjördís Ýr Johnson

Ásdís Kristjánsdóttir

Hannes Steinþórsson

Frá bæjarlögmanni, dags. 13. mars 2023, lagt fram minnisblað um feril umsóknar Teits Jónassonar um lóð við Tónahvarf.

Bæjarráð vísar erindinu með fjórum atkvæðum og hjásetu Andra Steins Hilmarssonar til bæjarlögmanns að nýju til frekari viðræðna við umsækjanda. Bæjarráð lítur svo á að viðræður um úthlutun lóðarinnar Tónahvarfs 4 séu samhangandi við framtíðarhugmyndir um lóðarréttindi Dalvegar 22. Bæjarráð óskar því upplýsinga um hvenær og með hvaða hætti lóðarréttindi Dalvegar 22 kæmu til Kópavogsbæjar.

Frá Teiti Jónassyni ehf. dags. 10.02.2023, lagt fram erindi þar sem óskað er eftir því að gengið verði til samninga vegna lóðarinnar Tónhvarfs 4.

Bæjarráð vísar erindinu til umsagnar sviðsstjóra stjórnsýslusviðs, hvað varðar feril málsins innan stjórnkerfis bæjarins.

Frá Teiti Jónassyni ehf., dags. 02.07.2021, lögð fram umsókn um lóðina Tónahvarf 4.

Bæjarráð samþykkir með fimm atkvæðum að fela bæjarstjóra að eiga viðræður við fyrirsvarsmann félagsins um framtíðaráform þess.