Mögulegar sparnaðarbreytingar á þjónustu Strætó bs. í Kópavogi

Kynning frá strætó um breytingar á þjónustu. Málinu var frestað á fundi nefndarinnar þann 19. okt. og óskað eftir frekari kynningu. Sólrún Skúladóttir og Valgerður Gréta Benediktsdóttir frá Strætó bs. gerðu grein fyrir erindinu.

Umhverfis- og samgöngunefnd hafnar erindi Strætó bs.

Nefndarmenn telja ekki hafa verið sýnt fram á að tillögurnar nægi til þess að loka rekstrargati Strætó bs. vegna covid-faraldursins og koma verst niður á Kópavogsbúum af íbúum höfuðborgarsvæðisins.

Valgerður Gréta Benediktsdóttir og Sólrún Svava Skúladóttir, samgöngusérfræðingar hjá Strætó bs, og Karen E. Halldórsdóttir, fulltrúi Kópavogsbæjar í stjórn Strætó bs. kynna mögulegar sparnaðarbreytingar á þjónustu Strætó bs. í Kópavogi.

Frestað. Umhverfis- og samgöngunefnd óskar eftir frekari kynningu á sparnaðarbreytingum á þjónustu strætó bs. í Kópavogi og samanburð við önnur sveitarfélög.