Umhverfis- og samgöngunefnd - 146. fundur

Valgerður Gréta Benediktsdóttir og Sólrún Svava Skúladóttir, samgöngusérfræðingar hjá Strætó bs, og Karen E. Halldórsdóttir, fulltrúi Kópavogsbæjar í stjórn Strætó bs. kynna mögulegar sparnaðarbreytingar á þjónustu Strætó bs. í Kópavogi.

Frestað. Umhverfis- og samgöngunefnd óskar eftir frekari kynningu á sparnaðarbreytingum á þjónustu strætó bs. í Kópavogi og samanburð við önnur sveitarfélög.

Kynning frá Easypark varðandi mögulega útfærslu á gjalskyldu á Hamraborgarsvæði við Hamraborg 1-11.

Frestað.

Frá deildarstjóra gatnadeildar dags. 13. september 2021 lögð fram umsögn umhverfissviðs um drónaflug við heimsendingar í Kópavogi. Bæjarráð frestaði málinu á fundi sinum þann 23.09.2021. Bæjarráð tekur jákvætt í erindið en telur sér ófært að afgreiða það fyrr en ný reglugerð liggur fyrir. Maron Kristófersson hjá AHA kynnir fyrirkomulag heimsendinga með drónum.

Umhverfis- og samgöngunefnd tekur jákvætt í erindið sem er í samræmi við þróun um að draga úr losun gróðurhúsaloftlagstegunda að því gefnu að tilskilin leyfi séu til staðar og hugað sé að öryggisþáttum.

Frá lögfræðideild, dags. 30. september 2021 lögð fram umsögn varðandi þóknanir fyrir fundi nefnda og ráða hjá Kópavogsbæ.

Á 185. fundi Forsætisnefndar var samþykkir að senda umsögnina á allar nefndir/ráð til upplýsinga og áréttingar, með beiðni um að málið verði tekið á dagskrá viðkomandi nefndar/ráðs.

Lagt fram.

Lögð fram umsögn umhverfisfulltrúa um val á loftgæðamæli og umfjöllun um loftgæði á Glaðheimum vestur dags. 4. október 21 ásamt verðtilboði í loftgæðamæli frá Heilbrigðiseftirliti Hafnafjarðar og Kópavogssvæði dags. 4. október 21.

Umhverfis- og samgöngunefnd samþykkir framlagða tillögu um kaup á Airpointer loftgæðamæli. Kostnaðarliðum vísað til bæjarráðs og bæjarstjórnar.

Erindið var tekið fyrir á 129. fundi Umhverfis og samgöngunefndar 16. júní 2020. Deildarstjóri gatnadeildar kynnir stöðu mála varðandi hjólabrettaskál í Kópavogi.

Greint frá stöðu mála.

Lagt fram erindi frá gatnadeild varðandi að útbúinn verður nýr skólagarður við Kópavogsbraut.

Umhverfis- og samgöngunefnd samþykkir framlagðar tillögu að nýjum skólagarði við Kópavogsbraut.

Lagt fram erindi frá Hreiðari Oddssyni varðandi stöðu mála og tiltekt á Kársnestá dags. 7. júní 2021.

Lagt fram og umræður.

Lagt fram erindi frá Hreiðari Oddssyni varðandi reglur um umgengni og eftirfylgni við byggingarlóðir og fyrirtækjalóðir dags. 7. júní 2021.

Vísað til umhverfissviðs að taka saman reglur um umgengni og eftirfylgni við byggingarlóðir og fyrirtækjalóðir í Kópavogi.