Áskorun til sveitarfélaga vegna fasteignaskatta á atvinnuhúsnæði

Frá Félagi atvinnurekenda, Húseigendafélaginu og Landssambandi eldri borgara dags. 21.09.2022, lögð fram áskorun vegna fasteignaskatta á atvinnuhúsnæði.

Lagt fram.

Frá félagi atvinnurekenda, dags. 31. maí 2022, lögð fram ályktun stjórnar Félags atvinnurekenda.

Lagt fram.

Fundarhlé hófst kl. 9:38, fundi fram haldið kl. 10:04

Bókun bæjarráðs:

"Samkvæmt nýbirtu fasteignamati hækkar fasteignamat í Kópavogi um 22% á árinu 2023, þar af hækkar fasteignamat íbúðarhúsnæðis um 25% og atvinnuhúsnæðis um 8,4%. Að öðru óbreyttu þýðir þessi mikla hækkun fasteignamats samsvarandi skattahækkun á íbúa og fyrirtæki bæjarins.

Við tökum undir ábendingar FA um að núverandi fyrirkomulag fasteignaskatta geti skapað ranga hvata hjá sveitarfélögum og tilefni sé til endurskoðunar á gildandi aðferðafræði við útreikning fasteignaskatta. Bent er á að frá árinu 2018 hefur fasteignaskattsprósentan lækkað á bæði íbúðar- og atvinnuhúsnæði í Kópavogi. Við leggjum ríka áherslu á að fasteignaskattar munu lækka samfara hækkun fasteignamats og á það við um íbúðar- og atvinnuhúsnæði."