Skipulagsráð - 133. fundur frá 05.12.2022

Fundargerð i 16 liðum.

Lagt fram.

Bókun vegna 3. liðar í fundargerð:

"Undirrituð telur ekki tímabært að kynna framlagða tillögu. Kópavogsbær er með viðurkenningu frá Unicef sem barnvænt sveitarfélag, en það þýðir að nota skuli barnasáttmálann sem viðmið í öllum störfum. Meðal annars tryggja börnum rétt á að fá að tjá skoðun sína, og hafa áhrif á, ákvarðanir sem varða þau ? en hönnun leikvallar er einmitt mjög skýrt dæmi um ákvörðun sem varðar börn. Fullorðnir íbúar hverfisins hafa þegar komið sínum skoðunum varðandi svæðið á framfæri. Í gildandi deiluskipulagi er gert ráð fyrir sparkvöllum og körfuboltavelli, en hvort tveggja hefur nú vikið í tillögunni fyrir púttvelli án þess að leitast hafi verið við að eiga nokkuð samráð við börn. Í þessari tillögu er jafnframt búið að setja leiksvæðinu töluvert fastar skorður og þannig takmarka verulega þau áhrif sem þátttaka barna getur haft á þessu stigi máls. Ef það er ætlunin að börn geti með þátttöku sinni átt möguleika á að hafa raunveruleg áhrif, þá væri eðlilegra að samráð við þau fari fram áður en mótuð tillaga er send í grenndarkynningu."

Sigurbjörg E. Egilsdóttir

Fundarhlé hófst kl. 18:02, fundi fram haldið kl. 18:04

Bókun:

"Á skipulagsráðsfundinum var skipulagsfulltrúa falið að leitast eftir viðbrögðum barna á kynningartímanum. Því er talið að umræddum markmiðum sé fullnægt."

Ásdís Kristjánsdóttir

Orri V. Hlöðversson

Hjördís Ýr Johnson

Andri Steinn Hilmarsson

Sigrún Hulda Jónsdóttir

Hannes Steindórsson

Fundargerð í 16 liðum.

Lagt fram.