Samkomulag um breytingu á fjármögnun þjónustu við fatlað fólk og hækkun útsvarsálagningar

Lögð fram tillaga um hækkun útsvarshlutfalls Kópavogsbæjar á árinu 2023 úr 14,48% í 14,70%. Tillagan er lögð fram vegna samkomulags milli Sambands íslenskra sveitarfélaga og þriggja ráðuneyta um sérstaka viðbótarfjármögnun á þjónustu við fatlað fólk frá 16. desember 2022. Samkomulagið gerir ráð fyrir lækkun tekjuskatts í sama hlutfalli. Hér er því einungis um tilfærslu fjármagns að ræða en ekki eiginlega útsvarshækkun.

Bæjarstjórn samþykkir með sjö atkvæðum að hækka útsvarshlutfall Kópavogsbæjar á árinu 2023 úr 14,48% í 14,70%.

Frá Sambandi íslenskra sveitarfélaga, dags. 19.12.2022, lagt fram samkomulag um breytingu á fjármögnun þjónustu við fatlað fólk.

Bæjarráð samþykkir með fimm atkvæðum að vísa málinu til afgreiðslu bæjarstjórnar.

Bókun bæjarráðs:

"Að fenginni afstöðu forstætisnefndar er lagt til að bæjarstjórn fundi 27. desember n.k. í þeim tilgangi að taka málið til umfjöllunar og afgreiðslu."