Samræmd móttaka flóttafólks í Kópavogi

Dagskrármál að beiðni fulltrúa Pírata, Samfylkingar, Viðreisnar og Vina Kópavogs í bæjarstjórn.

Umræður.

Orri V. Hlöðversson vék af fundi kl. 18:18 og tók Gunnar Sær Ragnarsson varamaður sæti í hans stað.

Fundarhlé hófst kl. 18:21, fundi fram haldið kl. 18:38.

Bókun:

"Nú er að verða liðið ár frá því fyrrverandi bæjarstjóri sjálfstæðismanna staðfesti að Kópavogur væri kominn á lista yfir sveitarfélög sem ætluðu að taka þátt í samræmdri móttöku flóttafólks. Enn hefur enginn samningur litið dagsins ljós en flóttafólk sest á sama tíma að í Kópavogi með tilstuðlan Vinnumálastofnunar. Bæjarfélagið fær enga meðgjöf frá ríkinu með þessum einstaklingum. Brýnt er að flýta samningsgerð eins og hægt er til að gæta bæði hagsmuna flóttafólks og bæjarins. Með því að að taka fljótt og vel á móti fólki má styðja það til virkrar þátttöku í samfélaginu."

Bergljót Kristinsdóttir

Helga Jónsdóttir

Sigurbjörg Erla Egilsdóttir

Theódóra Þorsteinsdóttir

Kolbeinn Reginsson


Bókun:

"Rétt er að árétta að Kópavogsbær er að þjónusta fjölda flóttafólks og mun gera það áfram.Gert er ráð fyrir að viðræðum um samræmda móttöku flóttafólks ljúki fljótlega og tillögur þess efnis verða kynntar innan skamms."

Ásdís Kristjánsóttir

Hjördís Ýr Johnson

Andri S. Hilmarsson

Hannes Steindórsson

Sigrún H. Jónsdóttir

Gunnar S. Ragnarsson