Kleifakór 2 nýbygging framkvæmdir

Þann 24. nóvember 2023 voru opnuð tilboð í uppbyggingu á íbúðarkjarna við Kleifakór 2. Tilboð bárust frá Sérverk ehf. kt. 571091-1279, Fortis ehf. kt. 470617-1360 og Land og verk ehf. kt. 5109140230. Kostnaðaráætlun fyrir framkvæmdina er 458.051.226 kr. Lægsta boð var tilboð Sérverks ehf. að upphæð 489.623.603 kr. sem nemur um 107% af kostnaðaráætlun. Með vísan í ofangreint leggur framkvæmdadeild Kópavogsbæjar til við bæjarráð að tilboði Sérverk að upphæð 489.623.603 kr. verði samþykkt og undirrituðum verði falið að tilkynna bjóðendum þess efnis og um leið leggja drög að verksamning fyrir bæjarráð þegar slíkt liggur fyrir.

Bæjarráð samþykkir að veita framkvæmdadeild heimild til að taka tilboði Sérverks að upphæð kr. 489.623.603,- jafnframt veitir bæjarráð framkvæmdadeild heimild til að gera drög að verksamningi og leggja fyrir bæjarráð.

Frá deildarstjóra framkvæmdadeildar,dags. 09.06.2023, lögð fram umsögn framkvæmdadeildar eftir yfirferð tilboðs sem barst í byggingu íbúðarkjarna við Kleifakór 2. Opnun tilboða var 17. maí 2023.

Theódóra S. Þorsteinsdóttir vék af fundi kl. 8:55.

Bæjarráð samþykkir með fjórum atkvæðum að hafna framkomnu tilboði þar sem það er 25% yfir kostnaðaráætlun og að það verði boðið út að nýju.

Frá deildarstjóra framkvæmdadeildar, dags. 13.04.2023, lagt fram erindi þar sem óskað er heimildar bæjarráðs til að bjóða út í opnu útboði búsetukjarna við Kleifakór 2.

Bæjarráð samþykkir með fimm atkvæðum að veita heimild til að bjóða út í opnu útboði búsetukjarna við Kleifakór 2.