Gjaldskrá leikskólagjalda

Frá sviðsstjóra menntasviðs, lögð fram gjaldskrá leikskólagjalda sem áætlað er að taki gildi 01.09.2023.

Fundarhlé hófst kl. 11:41, fundi fram haldið kl. 11:56.

Bæjarráð samþykkir með 4 atkvæðum og hjásetu Theódóru S. Þorsteinsdóttur framlagða gjaldskrá leikskólagjalda.

Bókun:

"Ný leikskólagjaldskrá í Kópavogi er í framhaldi af nýsamþykktum tillögum um breytt starfsumhverfi leikskólanna sem fela í sér sex tíma gjaldfrjálsa leikskólavist, eða 30 klukkustundir á viku. Foreldrar fá svigrúm til þess að ráðstafa tímunum innan vikunnar.

Bæjarráð telur mikilvægt að komið verði sérstaklega til móts við útivinnandi foreldra undir tekjuviðmiðun sem eiga ekki kost á því að draga úr vistun barns eða barna sinna á leikskólum en eiga erfitt með að mæta gjaldskrárhækkunum. Horft verði til úrræða fyrir þennan hóp að þremur mánuðum liðnum og við gerð fjárhagsáætlunar fyrir næsta ár."

Ásdís Kristjánsdóttir

Orri Hlöðversson

Andri Steinn Hilmarsson

Hanna Carla Jóhannsdóttir

Bergljót Kristinsdóttir

Helga Jónsdóttir

Bókun

"Undirritaðar gera athugasemd við að upplýsingar um verulegar gjaldskrárhækkanir hafi ekki verið skýrar í kynningarefni til foreldra eftir samþykkt bæjarstjórnar. Þetta hefur valdið töluverðum ruglingi meðal foreldra."

Sigurbjörg Erla Egilsdóttir

Theodóra S. Þorsteinsdóttir

Bergljót Kristinsdóttir