Samkomulag um uppbyggingu á reit 13

Dagskrármál að beiðni fulltrúa Viðreisnar í bæjarstjórn.

Umræður.

Fundarhlé hófst kl. 18:48, fundi fram haldið kl. 19:32.

Tillaga:

"Óskað er að málinu verði frestað og vísað til bæjarráðs"

Bergljót Kristinsdóttir

Theódóra S. Þorsteindóttir

Sigurbjörg E. Egilsdóttir

Helga Jónsdóttir

Kolbeinn Reginsson

Bæjarstjórn hafnar tillögu um frestun með sex atkvæðum gegn atkvæðum Bergljótar Kristinsdóttur, Theódóru S. Þorsteindóttur, Sigurbjargar E. Egilsdóttur, Helgu Jónsdóttur og

Kolbeins Reginssonar.

Bókun:

"Samkomulag þetta er gert við aðila sem ekki hefur afsal fyrir eignarréttindum og byggist á deiliskipulagi sem ekki hefur gengið í gildi. Samkomulag um uppbyggingu og þróun er vanbúið og gjörsamlega ótímabært.

- Hér er um að ræða ráðstöfun á lóðum bæjarins til einkaaðila án útboðs.

- Kostnaðargreining á innviðaþörf liggur ekki fyrir.

- Sambærilegar kvaðir og hér koma fram um leiguíbúðir fyrir stúdenta, fyrstu kaupendur og aldraða hafa reynst haldlausar með öllu í fyrri samningum við þróunaraðila og engin útfærsla fylgir.

- Kaupréttur bæjarins á félagslegum íbúðum á markaðsverði er markleysa í ljósi þess að fyrir liggur að íbúðir á svæðinu verða mjög dýrar.

Samningurinn felur í sér að öll áhætta liggur hjá Kópavogsbæ. Undirritaðar fordæma hvernig staðið er að gæslu almannahagsmuna í þessu samkomulagi.

Á fundinum komu fram margar spurningar um samninginn sem ekki var hægt að fá svör við vegna fjarveru bæjarstjóra.

Undirrituð fordæma samninginn og meðferð málsins. Ekkert er hægt að fullyrða um hagkvæmni samningsins þar sem engin kostnaðargreining vegna innviðauppbyggingar hefur verið lögð fyrir bæjarstjórn."

Helga Jónsdóttir

Kolbeinn Reginsson

Theódóra S. Þorsteinsdóttir

Sigurbjörg Erla Egilsdóttir

Bergljót Kristinsdóttir


Bæjarstjórn samþykkir samkomulagið með 6 atkvæðum gegn atkvæðum Bergljótar Kristinsdóttur, Theódóru S. Þorsteindóttur, Sigurbjargar E. Egilsdóttur, Helgu Jónsdóttur og

Kolbeins Reginssonar.

Fundarhlé hófst kl. 19:39, fundi fram haldið kl. 19:44.

Bókun:

"Meirihlutinn tekur ekki undir gagnrýni minnihlutans á samkomulagið sem byggir á samþykktu deiliskipulagi bæjarstjórnar. Til að standa vörð um hagsmuni Kópavogsbæjar er nauðsynlegt að ganga frá samkomulagi við lóðarhafa um byggingarréttargjald áður en deiliskipulagið er sett í auglýsingu. Með þessu samkomulagi er tryggt að uppbyggingaraðilar taka þátt í kostnaði á innviðauppbyggingu á svæðinu.

Til að tryggja heildstæða uppbyggingu á reitnum er nauðsynlegt að úthluta hluta af lóðum bæjarins á reitnum, til uppbyggingaraðila. Við úthlutun á lóðum bæjarins var tekið mið af markaðsverði og vandlega farið yfir allar forsendur í því samhengi."

Hjördís Ýr Johnson

Andri S. Hilmarsson

Sigrún H. Jónsdóttir

Elísabet B. Sveinsdóttir

Björg Baldursdóttir

Hanna C. Jóhannsdóttir

Lagt fram samkomulag milli Kópavogsbæjar og Fjallasólar ehf. um fyrirhugaða uppbyggingu og þróun á lóðunum Bakkabraut 2 og 4, Bryggjuvör 1, 2 og 3, og Þinghólsbraut 77 og 79.

Málið afgreitt undir dagskrárlið 1.

Lagt fram samkomulag milli Kópavogsbæjar og Fjallasólar ehf. um fyrirhugaða uppbyggingu og þróun á lóðunum Bakkabraut 2 og 4, Bryggjuvör 1, 2 og 3, og Þinghólsbraut 77 og 79.

Fundarhlé hófst kl. 9:56, fundi fram haldið kl. 11:04

Bæjarráð samþykkir að vísa samkomulaginu til afgreiðslu bæjarstjórnar.

Bókun:

"Samkomulag þetta er gert við aðila sem ekki hefur afsal fyrir eignarréttindum og byggist á deiliskipulagi sem ekki hefur gengið í gildi. Samkomulag um uppbyggingu og þróun er vanbúið og gjörsamlega ótímabært.

- Hér er um að ræða ráðstöfun á lóðum bæjarins til einkaaðila án útboðs.

- Kostnaðargreining á innviðaþörf liggur ekki fyrir.

- Sambærilegar kvaðir og hér koma fram um leiguíbúðir fyrir stúdenta, fyrstu kaupendur og aldraða hafa reynst haldlausar með öllu í fyrri samningum við þróunaraðila og engin útfærsla fylgir.

- Kaupréttur bæjarins á félagslegum íbúðum á markaðsverði er markleysa í ljósi þess að fyrir liggur að íbúðir á svæðinu verða mjög dýrar.

Samningurinn felur í sér að öll áhætta liggur hjá Kópavogsbæ. Undirritaðar fordæma hvernig staðið er að gæslu almannahagsmuna í þessu samkomulagi.

Bergljót Kristinsdóttir

Theódóra S. Þorsteinsdóttir

Sigurbjörg E. Egilsdóttir

Helga Jónsdóttir"

Bókun:

"Undirrituð telur nauðsynlegt að bæjaryfirvöld nýti hluta lóða sinna á reit 13 til úthlutunar til óhagnaðardrifinna byggingarfélaga. Yfirvöld í Kópavogi hafa ekki séð ástæðu til að leggja til land undir slíka uppbyggingu skv. núverandi lagaheimildum, til þessa og eru í mikilli skuld við þann hóp íbúa sem þurfa á slíku húsnæði að halda. Engar skýringar fylgja í meðfylgjandi samningi um hvernig eigi að framkvæma sölu á stökum íbúðum til slíkra félaga en þeirra módel byggir í dag á eigin uppbyggingu til að halda niðri uppbyggingarkostnaði.

Bergljót Kristinsdóttir"

Bókun:

"Meirihlutinn tekur ekki undir gagnrýni minnihlutans á samkomulagið sem byggir á samþykktu deiliskipulagi bæjarstjórnar. Til að standa vörð um hagsmuni Kópavogsbæjar er nauðsynlegt að ganga frá samkomulagi við lóðarhafa um byggingarréttargjald áður en deiliskipulagið er sett í auglýsingu. Með þessu samkomulagi er tryggt að uppbyggingaraðilar taka þátt í kostnaði á innviðauppbyggingu á svæðinu.

Til að tryggja heildstæða uppbyggingu á reitnum er nauðsynlegt að úthluta hluta af lóðum bæjarins á reitnum, til uppbyggingaraðila. Við úthlutun á lóðum bæjarins var tekið mið af markaðsverði og vandlega farið yfir allar forsendur í því samhengi.

Ásdís Kristjánsdóttir

Orri V. Hlöðversson

Elísabet B. Sveinsdóttir

Hanna Carla Jóhannsdóttir"