Bæjarráð - 3138. fundur

Deildarstjóri framkvæmda umhverfissviðs, ásamt gestum gera grein fyrir stöðu málsins.

Umræður.

Lagt fram samkomulag milli Kópavogsbæjar og Fjallasólar ehf. um fyrirhugaða uppbyggingu og þróun á lóðunum Bakkabraut 2 og 4, Bryggjuvör 1, 2 og 3, og Þinghólsbraut 77 og 79.

Fundarhlé hófst kl. 9:56, fundi fram haldið kl. 11:04

Bæjarráð samþykkir að vísa samkomulaginu til afgreiðslu bæjarstjórnar.

Bókun:

"Samkomulag þetta er gert við aðila sem ekki hefur afsal fyrir eignarréttindum og byggist á deiliskipulagi sem ekki hefur gengið í gildi. Samkomulag um uppbyggingu og þróun er vanbúið og gjörsamlega ótímabært.

- Hér er um að ræða ráðstöfun á lóðum bæjarins til einkaaðila án útboðs.

- Kostnaðargreining á innviðaþörf liggur ekki fyrir.

- Sambærilegar kvaðir og hér koma fram um leiguíbúðir fyrir stúdenta, fyrstu kaupendur og aldraða hafa reynst haldlausar með öllu í fyrri samningum við þróunaraðila og engin útfærsla fylgir.

- Kaupréttur bæjarins á félagslegum íbúðum á markaðsverði er markleysa í ljósi þess að fyrir liggur að íbúðir á svæðinu verða mjög dýrar.

Samningurinn felur í sér að öll áhætta liggur hjá Kópavogsbæ. Undirritaðar fordæma hvernig staðið er að gæslu almannahagsmuna í þessu samkomulagi.

Bergljót Kristinsdóttir

Theódóra S. Þorsteinsdóttir

Sigurbjörg E. Egilsdóttir

Helga Jónsdóttir"

Bókun:

"Undirrituð telur nauðsynlegt að bæjaryfirvöld nýti hluta lóða sinna á reit 13 til úthlutunar til óhagnaðardrifinna byggingarfélaga. Yfirvöld í Kópavogi hafa ekki séð ástæðu til að leggja til land undir slíka uppbyggingu skv. núverandi lagaheimildum, til þessa og eru í mikilli skuld við þann hóp íbúa sem þurfa á slíku húsnæði að halda. Engar skýringar fylgja í meðfylgjandi samningi um hvernig eigi að framkvæma sölu á stökum íbúðum til slíkra félaga en þeirra módel byggir í dag á eigin uppbyggingu til að halda niðri uppbyggingarkostnaði.

Bergljót Kristinsdóttir"

Bókun:

"Meirihlutinn tekur ekki undir gagnrýni minnihlutans á samkomulagið sem byggir á samþykktu deiliskipulagi bæjarstjórnar. Til að standa vörð um hagsmuni Kópavogsbæjar er nauðsynlegt að ganga frá samkomulagi við lóðarhafa um byggingarréttargjald áður en deiliskipulagið er sett í auglýsingu. Með þessu samkomulagi er tryggt að uppbyggingaraðilar taka þátt í kostnaði á innviðauppbyggingu á svæðinu.

Til að tryggja heildstæða uppbyggingu á reitnum er nauðsynlegt að úthluta hluta af lóðum bæjarins á reitnum, til uppbyggingaraðila. Við úthlutun á lóðum bæjarins var tekið mið af markaðsverði og vandlega farið yfir allar forsendur í því samhengi.

Ásdís Kristjánsdóttir

Orri V. Hlöðversson

Elísabet B. Sveinsdóttir

Hanna Carla Jóhannsdóttir"

Bæjarstjóri fer yfir stöðuna og næstu skref.

Umræður.

Hanna Carla Jóhannsdóttir vék af fundi kl. 11:43.

Frá lögfræðideild, dags. 11.08.2023, lögð fram umsögn um veitingaleyfi.

Bæjarráð samþykkir með fimm atkvæðum að veita jákvæða umsögn með vísan í minnisblað lögfræðideildar.

Frá Markaðsstofu Kópavogs, dags. 12. júlí 2023, lagt fram erindi þar sen óskað er eftir samþykki Kópavogsbæjar á breytingum á samþykktum Markaðsstofu Kópavogs.

Bæjarráð samþykkir með fimm atkvæðum að vísa erindinu til umsagnar bæjarlögmanns.

Fundargerð 372. fundar stjórnar Strætó frá 07.07.2023.

Lagt fram.

Fundargerð í tíu liðum.

Bæjarráð vísar erindinu til afgreiðslu bæjarstjórnar.

Fundargerð í einum lið.

Lagt fram.

Fundargerð í sex liðum.

Lagt fram.