Hafnarbraut 4-8. Breytt byggingaráform.

Lagt fram að nýju erindi Hans-Olavs Andersens arkitekts dags. 28. ágúst 2023 f.h. lóðarhafa lóðanna nr. 4-8 við Hafnarbraut um breytt byggingaráform. Í breytingunni felst breytt þakform, flatt þak í stað mænisþaks ásamt breyttum frágangi svalahandriða og breytingu á klæðningu hússins. Á lóðunum er í gildi deiliskipulag Hafnarbrautar 2-10 og Kársnesbrautar 108-114 sem birt var í B-deild Stjórnartíðinda 22. janúar 2018. Áður samþykkt byggingaráform dags. 28. febrúar 2018 voru lögð fram í skipulagsráði þann 19. mars 2018. Erindið var áður lagt fram á fundi skipulagsráðs 18. september 2023, afgreiðslu var frestað.

Þá lögð fram breytt byggingaráform dags. 18. nóvember 2023.

Skipulagsráð samþykkir framlögð byggingaráform dags. 18. nóvember 2023 með þremur atkvæðum Hjördísar Ýrar Johnson, Andra Steins Hilmarssonar og Gunnars Sæs Ragnarssonar. Kristinn D. Gissurarson, Theódóra S. Þorsteinsdóttir, Helga Jónsdóttir og Hákon Gunnarsson sátu hjá við afgreiðslu málsins.

Bókun:

„Þrátt fyrir að breytt byggingaráform séu samþykkt á þessum fundi lýsa undirrituð yfir mikilli vanþóknun á vinnubrögðunum þar sem breytingar á byggingaráformum koma fyrir skipulagsráð eftir að byggingin sem sótt er um breytingar á er risin. Tryggja þarf að þessi vinnubrögð endurtaki sig ekki.“

Hjördís Ýr Johnson

Kristinn Dagur Gissurarson

Andri Steinn Hilmarsson

Gunnar Sær Ragnarsson

Helga Jónsdóttir

Hákon Gunnarsson

Bókun:

„Undirritaðar telja óásættanlegt að byggingaráform þau sem samþykkt voru í mars 2018 séu vanvirt með öllu. Húsið er þegar risið. Því er of seint að leggja málið fyrir skipulagsráð þegar framkvæmdum er lokið í óleyfi.“

Theódóra S. Þorsteinsdóttir

Sigurbjörg Erla Egilsdóttir

Lagt fram að nýju erindi Hans-Olavs Andersens arkitekts dags. 28. ágúst 2023 f.h. lóðarhafa lóðanna nr. 4-8 við Hafnarbraut um breytt byggingaráform. Í breytingunni felst breytt þakform, flatt þak í stað mænisþaks ásamt breyttum frágangi svalahandriða og breytingu á klæðningu hússins. Á lóðunum er í gildi deiliskipulag Hafnarbrautar 2-10 og Kársnesbrautar 108-114 sem birt var í B-deild Stjórnartíðinda 22. janúar 2018. Áður samþykkt byggingaráform dags. 28. febrúar 2018 voru lögð fram í skipulagsráði þann 19. mars 2018. Erindið var áður lagt fram á fundi skipulagsráðs 4. september 2023, afgreiðslu var frestað.

Afgreiðslu frestað.

Lagt fram erindi Hans-Olavs Andersens arkitekts dags. 28. ágúst 2023 f.h. lóðarhafa lóðanna nr. 4-8 við Hafnarbraut um breytt byggingaráform. Í breytingunni felst breytt þakform, flatt þak í stað mænisþaks ásamt breyttum frágangi svalahandriða og breytingu á klæðningu hússins. Á lóðunum er í gildi deiliskipulag Hafnarbrautar 2-10 og Kársnesbrautar 108-114 sem birt var í B-deild Stjórnartíðinda 22. janúar 2018. Áður samþykkt byggingaráform dags. 28. febrúar 2018 voru lögð fram í skipulagsráði þann 19. mars 2018.

Fundarhlé kl. 17:32, fundi framhaldið kl. 17:39.

Afgreiðslu frestað.

Bókun skipulagsráðs:

„Skipulagsráð telur óásættanlegt að byggingaráform þau sem samþykkt voru í mars 2018 séu vanvirt með öllu. Það er of seint að leggja málið fyrir skipulagsráð þegar framkvæmdum er lokið í óleyfi."