Dalvegur 30. Breytt deiliskipulag. Fyrirspurn.

Lögð fram fyrirspurn Andra Klausen, arkitekts, dags. 13. september 2023 f.h. lóðarhafa lóðarinnar nr. 30 við Dalveg um breytingu á deiliskipulagi lóðarinnar. Í gildandi deiliskipulagi er heimilt að reisa þrjú hús á lóðinni á 3-5 hæðum ásamt sameiginlegri niðurgrafinni bílageymslu. Hámark byggingarmagns er 16.500 m² ofanjarðar og 4.000 m² neðanjarðar. Í breytingunni felst breytt lögun byggingarreita ofanjarðar og tilfærsla byggingarmagns milli byggingarreita. Hæð byggingarreita og heildarbyggingarmagn á lóðinni helst óbreytt. Byggingarreitur niðurgrafinnar bílageymslu stækkar og bílastæðum neðanjarðar fjölgar. Heildarfjöldi bílastæða á lóðinni helst óbreyttur.

Skipulagsráð lítur jákvætt á að framlögð fyrirspurn verði unnin áfram í samstarfi við skipulagsdeild með fjórum atkvæðum gegn atkvæðum Theódóru S. Þorsteinsdóttur, Helgu Jónsdóttur og Hákonar Gunnarssonar.

Bókun:

„Á fundi skipulagsráðs 5. desember 2022 var samþykkt með sjö atkvæðum eftirfarandi tillaga Hjördísar Ýrar Johnson, Kristins Dags Gissurarsonar, Andra Steins Hilmarssonar og Gunnars Sæs Ragnarssonar: „Skipulagsráð samþykkir að efnt verði til fundar með íbúum og hagaðilum vegna skipulagsmála er tengjast Dalvegi. Farið verði yfir heildarmyndina, hljóðvist, ljósmengun, aðgengi o.s.f. Sérstök áhersla verður lögð á kynningu á fyrirhuguðum umferðarlausnum á svæðinu“

Undirrituð telja nauðsynlegt að slíkur fundur sé haldinn og leiðsögn úr honum verði til hliðsjónar áður en afstaða er tekin til einstakra erinda á svæðinu.“

Theódóra S. Þorsteinsdóttir, Helga Jónsdóttir, Hákon Gunnarsson og Sigurbjörg Erla Egilsdóttir.

Bókun:

„Undirritaðir ítreka fyrri bókun meirihlutans um fund með íbúum og hagaðilum. Eðlilegt er að slíkur fundur fari fram á kynningartíma.“

Kristinn Dagur Gissurarson, Gunnar Sær Ragnarsson, Sveinbjörn Sveinbjörnsson og Axel Þór Eysteinsson.