Bæjarlistamaður Kópavogs 2024

Tilnefning bæjarlistamanns Kópavogs 2024 fer fram í Salnum kl. 11.

Bæjarlistamaður Kópavogs 2024 er slagverksleikarinn og tónskáldið Kristofer Rodríguez Svönuson. Tilnefningin fór fram við hátíðlega athöfn í Salnum kl. 11 að viðstöddum fulltrúum úr lista- og menningarráði, starfsfólki menningarhúsanna og vinum og vandamönnum listamannsins. Lista- og menningarráð óskar Kristofer innilega til hamingju með tilnefninguna og lýsir yfir mikilli ánægju með metnaðarfullt menningarstarf sem hann hyggst leiða innan Kópavogsbæjar.

Val á Bæjarlistamanni Kópavogs 2024 og ákvörðun um tímasetningu tilnefningarinnar.

Lista- og menningarráð er sammála um val á Bæjarlistamanni Kópavogs 2024. Lagt er til að forstöðumaður menningarmála finni stað og stund fyrir tilnefninguna um miðjan maí næstkomandi.

Auglýst eftir Bæjarlistamanni Kópavogs 2024.

Lista- og menningarráð samþykkir að auglýst verði eftir bæjarlistamanni Kópavogs 2024. Valið mun fara fram á fundi ráðsins 26. apríl.