Lista- og menningarráð - 161. fundur

Bæjarstjóri Ásdís Kristjánsdóttir, bæjarritari Pálmi Þór Másson og bæjarlögmaður Ása Arnfríður Kristjánsdóttir, fara yfir stöðu og þróun á þeim breytingum sem gerðar hafa verið í menningarhúsunum í kjölfar samþykktra breytinga í apríl 2023. Gestir yfirgáfu fundinn 9:20.

Bókun:

Fulltrúar Samfylkingarinnar, Pírata, Vina Kópavogs og Viðreisnar árétta að samkvæmt 9. gr. erindisbréfs ráðsins er það hlutverk þess að fara með og sinna stefnumörkun í menningarmálum og vera ráðgefandi til bæjarráðs um þau mál og að lista- og menningarráð fer með málefni stofnana sem starfa að menningarmálum í Kópavogi. Í þessu ferli hefur ráðið síendurtekið verið sniðgengið í ákvörðunartöku sem er ótækt.

Margrét Tryggvadóttir, áheyrnarfulltrúi samfylkingar

Ísabella Leifsdóttir, fulltrúi Vina Kópavogs

Árni Pétur Árnason, áheyrnarfulltrúi Pírata

Elvar Bjarki Helgason, fulltrúi Viðreisnar

Staðsetning 17. júní hátíðarhalda í Kópavogi árið 2024.

Lista- og menningarráð leggur til að hátíðarhöldin fari fram á þremur stöðum eins og á síðasta ári, á Rútstúni, við Versali og á útisvæðinu við menningarhúsin.

Styrkumsókn frá Söngvinum í Kópavogi. Umsókn tekin fyrir að nýju eftir að frekari upplýsinga hefur verið aflað.

Lista- og menningarráð samþykkir að veita kór eldri borgara styrk að upphæð kr. 200.000,-

Auglýst eftir Bæjarlistamanni Kópavogs 2024.

Lista- og menningarráð samþykkir að auglýst verði eftir bæjarlistamanni Kópavogs 2024. Valið mun fara fram á fundi ráðsins 26. apríl.