Beiðni Árna Péturs Árnasonar um minnisblað frá innkaupadeild um þjónustukaup á Menningardeild og menningarstofnunum vegna breytinga

Máli frestað frá fundi ráðsins 2. október 2024. Beiðni Árna Péturs Árnasonar um minnisblað frá innkaupadeild um þjónustukaup á Menningardeild og menningarstofnunum vegna breytinga

Svar bæjarritara frá 30. september 2024 lagt fram.

Bókun áheyrnarfulltrúa Árna Péturs Árnasonar og Ísabellu Leifsdóttur:

"Í erindisbréfi Lista- og menningarráðs segir: “10. gr. Hlutverk og verkefni ráðsins eru m.a. að: 2. hafa eftirlit með rekstri málaflokksins og að samþykktum og stefnumörkum Kópavogsbæjar sé framfylgt á verksviði ráðsins." Téð verksvið ráðsins eru menningarhús bæjarins og lista- og menningarsjóður.

Það að bæjarráð hafi heimildir til eftirlits útilokar ekki að lista- og menningarráð sinni eftirlitinu, enda starfar lista- og menningarráð í umboði bæjarráðs og taka ákvarðanir þess ekki gildi fyrr en við staðfestingu í bæjarráði. Hlutverk lista- og menningarráðs er að létta undir bæjarráði og því fullkomlega eðlilegt að lista- og menningarráð sinni því hlutverki, þ.e. eftirliti, sem bæjarráð hefur falið því. Téð fyrirspurn er dæmi um slíkt eftirlit."

Svarbréf við beiðni Árna Péturs Árnasonar áheyrnarfulltrúa Pírata um upplýsingar er varða þjónustukaup.

Lista- og menningarráð frestar málinu.

Beiðni frá Árna Pétri Árnasyni áheyrnarfulltrúa Pírata um minnisblað frá innkaupadeild um það hvort þjónustukaup menningardeildar og menningarstofnana vegna breytinga á deildinni og stofnunum árin 2023 og 2024 samræmist innkaupastefnu bæjarins.

Samþykkt að vísa málinu til umsagnar bæjarritara.