Úttekt og skoðun á verklagi og verkferlum við eftirlit bæjarráðs með stjórnsýslu og fjármálastjórn bæjarins

Lögð fram tillaga í framhaldi af úttekt og skoðun á verklagi og verkferlum við eftirlit bæjarráðs með stjórnsýslu og fjármálastjórn bæjarins. Bæjarráð samþykkti tillöguna á fundi sínum þann 20. febrúar s.l. með fjórum atkvæðum og hjásetu Theódóru S. Þorsteinsdóttur og vísaði tillögunni til staðfestingar bæjarstjórnar.

Fundarhlé hófst kl. 17:56, fundi fram haldið kl. 18:21

Bæjarstjórn samþykkir framlagða tillögu með 8 atkvæðum og hjásetu Bergljótar Kristinsdóttur, Theódóru S. Þorsteinsdóttur og Sigurbjargar E. Egilsdóttur.

Trúnaðarmál.

Trúnaðarmál.

Bæjarráð samþykkir tillöguna með fjórum atkvæðum og hjásetu Theódóru S. Þorsteinsdóttur og vísar henni til staðfestingar bæjarstjórnar.

Lögð fram verkefnistillaga og drög að samkomulagi um úttekt Strategíu á stjórnkerfi bæjarins, hlutverkum og umboði.

Bæjarráð, í umboði bæjarstjórnar, samþykkir með fimm atkvæðum fyrirliggjandi verkefnistillögu og drög samkomulags.

Lögð fram tillaga bæjarráðs um að hefja þegar í stað úttekt og skoðun á verklagi og verkferlum við eftirlit bæjarráðs með stjórnsýslu og fjármálastjórn bæjarins.

Bæjarráð gerir svofellda samþykkt samhljóða:

Bæjarráð samþykkir að hefja þegar í stað úttekt og skoðun á verklagi og verkferlum við eftirlit bæjarráðs með stjórnsýslu og fjármálastjórn bæjarins og við undirbúning og gerð ársreiknings. Til verksins verði fenginn utanaðkomandi sérfræðingur, sá hinn sami og vinnur að endurskoðun bæjarmálasamþykktar Kópavogs. Markmiðið er að skýra ábyrgð, hlutverk og verkefni og efla eftirlitshlutverk bæjarráðs. Skoðaðir verði kostir þess og gallar að koma á fót innri endurskoðun bæjarins og endurskoðunarnefnd í samræmi við ábendingar endurskoðanda. Samstaða er um að nánari útfærsla verkefnisins verði í erindisbréfi, sem fulltrúar meirihluta og minnihluta vinni með sérfræðingnum og lagt verði fyrir bæjarráð til samþykktar. Lagt verður upp með að nýtt fyrirkomulag verði samþykkt í haust og taki gildi fyrir gerð og endurskoðun ársreiknings Kópavogsbæjar fyrir árið 2024.