Bæjarráð - 3175. fundur

Lögð fram að nýju drög að úthlutunarskilmálum vegna úthlutunar 2. áfanga Vatnsendahvarfs. Málinu var frestað á fundi bæjarráðs þann 16. maí sl.

Bæjarráð samþykkir með þremur atkvæðum gegn atkvæðum Theódóru S. Þorsteinsdóttur og Helgu Jónsdóttur að vísa málinu til afgreiðslu bæjarstjórnar.

Bókun:

"Með samþykkt þessara úthlutunarskilmála eru virtar að vettugi skuldbindingar bæjarfélagsins lögum samkvæmt sem og í húsnæðisáætlun Kópavogsbæjar, aðalskipulagi Kópavogsbæjar og svæðisskipulagi höfuðborgarsvæðisins um framboð á húsnæði á viðráðanlegu verði til að fullnægja búsetuþörfum allra félagshópa.

Afgreiðsla meirihlutans á úthlutunarskilmálunum tekur ekkert mið af þessum skuldbindingum og markmiðum, sem byggjast á þeirri reynslu að markaðurinn hefur ekki getað leyst þær fjölbreyttu þarfir sem ungir, tekjulágir, námsmenn og fleiri hópar samfélagsins hafa. Kópavogsbær hefur ekki staðið að almennri lóðaúthlutun í 9 ár en því miður tapast hér gullið tækifæri til að leiðrétta þá skekkju, sem orðið hefur með uppbyggingu fjárfesta á þróunarreitum þar sem arðsemiskrafa er leiðarljósið."

Bergljót Kristinsdóttir

Theódóra S. Þorsteinsdóttir

Sigurbjörg E. Egilsdóttir

Helga Jónsdóttir


Bókun:

"Í þessari úthlutun er nær eingöngu um par-, rað- og einbýlishús að ræða. Meiri- og minnihluta greinir á um leiðir að því marki hvernig sem flestir geti eignast þak yfir höfuðið. Hér er verið að auka framboð á lóðum í Kópavogi og slíkt framboð kemur öllum húsnæðismarkaðinum til góða. Mikið hefur verið kallað eftir auknu framboði íbúða á almennan markað og hér er brugðist við því ákalli."

Ásdís Kristjánsdóttir

Orri Hlöðversson

Hjördís Ýr Johnson

Andri Steinn Hilmarsson

Frá bæjarlögmanni og sviðsstjóra menntasviðs. Umsögn um frumvarp til laga um tekjustofna sveitarfélaga.

Umræður

Erindi barst upphaflega frá Slökkviliði höfuðborgarsvæðisins 19. desember 2023, með framkvæmdaáætlun um uppbyggingu slökkvistöðva á höfuðborgarsvæðinu. Í erindinu var óskað eftir lóðarvilyrði fyrir tiltekinni lóð í Tonahvarfi undir slökkvistöð. Erindið var tekið fyrir á 3157. fundi bæjarráðs og vísað til afgreiðslu bæjarstjórnar. Bæjarstjórn tók málið fyrir á 1291. fundi sínum og vísaði málinu að nýju til bæjarráðs til frekari efnismeðferðar.

Málið er nú tekið fyrir að nýju og lögð fram beiðni umhverfissviðs um heimild bæjarráðs til þess að vinna málið áfram í samræmi við framlagt svar, dags. 28. maí 2024, sem miðar að því að undirbúa nauðsynlegar breytingar á deiliskipulagi og stækkun lóðar.

Bæjarráð samþykkir með fimm atkvæðum að veita umbeðna heimild til þess að vinna málið áfram í samræmi við beiðni umhverfissviðs.

Lögð fram tillaga bæjarráðs um að hefja þegar í stað úttekt og skoðun á verklagi og verkferlum við eftirlit bæjarráðs með stjórnsýslu og fjármálastjórn bæjarins.

Bæjarráð gerir svofellda samþykkt samhljóða:

Bæjarráð samþykkir að hefja þegar í stað úttekt og skoðun á verklagi og verkferlum við eftirlit bæjarráðs með stjórnsýslu og fjármálastjórn bæjarins og við undirbúning og gerð ársreiknings. Til verksins verði fenginn utanaðkomandi sérfræðingur, sá hinn sami og vinnur að endurskoðun bæjarmálasamþykktar Kópavogs. Markmiðið er að skýra ábyrgð, hlutverk og verkefni og efla eftirlitshlutverk bæjarráðs. Skoðaðir verði kostir þess og gallar að koma á fót innri endurskoðun bæjarins og endurskoðunarnefnd í samræmi við ábendingar endurskoðanda. Samstaða er um að nánari útfærsla verkefnisins verði í erindisbréfi, sem fulltrúar meirihluta og minnihluta vinni með sérfræðingnum og lagt verði fyrir bæjarráð til samþykktar. Lagt verður upp með að nýtt fyrirkomulag verði samþykkt í haust og taki gildi fyrir gerð og endurskoðun ársreiknings Kópavogsbæjar fyrir árið 2024.

Lagt fram erindi Bergs verktaka, dags. 17. maí 2024, þar sem óskað er eftir úthlutun lóðar sem staðsett er sunnan Tónahvarfs 12 og Turnahvarfs 2 og norðan Kambsvegar. Tillaga bréfritara gengur út á að byggja á um 3000 m2 lóð tvö lágreist hús, samtals um 1200m2 að grunnfleti.

Bæjarráð hafnar erindinu með vísan til þess að ekki er skilgreind lóð á umbeðnu svæði.

Frá atvinnuveganefnd Alþingis lögð fram til umsagnar tillaga til þingsályktunar um ferðamálastefnu og aðgerðaáætlun til ársins 2030, 1036. mál. Frestur til að senda inn umsögn er til og með 5. júní 2024.

Bæjarráð vísar málinu til afgreiðslu Markaðsstofu höfuðborgarsvæðisins.

Fundargerð í þremur liðum.

Lagt fram.

Fundargerð í 11 liðum.

Lagt fram.

Fundargerð í 33 liðum.

Lagt fram.

Fundagerð í sex liðum.

Lagt fram.

Fundargerð í 10 liðum.

Lagt fram.

Fundargerð í sjö liðum.

Lagt fram.

Fundargerð í 14 liðum.

Lagt fram.

Lagt fram erindi frá Sigurbjörgu E. Egilsdóttur, bæjarfulltrúa Pírata, þar sem óskað er eftir því að fram fari mat, skv. 35. gr. bæjarmálasamþykktar, á kjörgengi þeirra fulltrúa í fastanefndum bæjarstjórnar sem jafnframt eru starfsmenn stofnana bæjarins sem heyra undir viðkomandi fastanefnd.

Bæjarráð samþykkir að vísa erindinu til umsagnar bæjarlögmanns.