Álfhólsvegur 29. Fyrirspurn

Lögð fram fyrirspurn Sigurðar Hafsteinssonar byggingartæknifræðings f.h. lóðarhafa dags. 8. ágúst 2024 um breytingu á fyrirkomulagi á lóðinni. Í lok árs 2022 var umsókn um byggingarleyfi fyrir nýbyggingu í stað núverandi einbýlishúss á lóðinni var samþykkt. Gert var ráð fyrir þriggja íbúða fjölbýli á lóðinni, alls 446 m2 að flatarmáli með nýtingarhlutfalli 0,42. Spurst er fyrir um fjölgun íbúða úr þremur í fjórar í fyrirhugaðri nýbyggingu og fjölgun bílastæða úr 3 í 4, byggingarmagn helst óbreytt 446 m2.

Uppdrættir í mkv. 1:100 dags. 7. ágúst 2024.

Þá er lögð fram umsögn skipulagsdeildar dags. 16. ágúst 2024.

Skipulagsráð lítur jákvætt á að framlögð fyrirspurn verði unnin áfram í samræmi við rammaákvæði í Aðalskipulagi Kópavogs 2019-2040 og verkfærakistu um þróun byggðar í Kópavogi.