Erindi til bæjarráðs. Starfslok héraðsskjalavarðar

Frá fyrrverandi héraðsskjalaverði, dags. 30.09.2024, lagt fram erindi til bæjarráðs.

Frá fyrrverandi héraðsskjalaverði, dags. 30.09.2024, lagt fram erindi til bæjarráðs. Málinu var frestað 31.10.2024.

Lagt fram.

Bókun:

"Frá árinu 2023 hefur meirihluti bæjarstjórnar Kópavogs staðið fyrir breytingum á menningarhúsum bæjarins og var t.a.m. á afmæli Kópavogsbæjar, 11. maí s.l., Náttúrufræðistofa Kópavogs opnuð að nýju með gjörbreyttu sniði sem lýtur að kjarnahlutverki safnsins. Þá var nýverið kynnt skýrsla um fjölbreytt tækifæri í rekstri Salarins sem nú þegar er farið að vinna að í samráði við nýjan forstöðumann Salarins. Lokun Héraðsskjalasafns Kópavogs og flutningur safnkosts þess til Þjóðskjalasafns er hluti af þeim breytingum sem bæjarstjórn Kópavogs ákvað og hefur undirbúningur þess staðið yfir. Frá 1. apríl hefur Þjóðskjalasafn Íslands tekið á móti gögnum frá stofnunum bæjarins og veitt sveitarfélaginu ráðgjöf um gagnaskil. Byrjað er að flytja safnkost héraðsskjalasafnsins til Þjóðskjalasafns og þegar þeirri vinnu lýkur verður allur safnkosturinn hýstur hjá Þjóðskjalasafni.

Forstöðumaður héraðsskjalasafnsins lét af störfum um síðustu mánaðarmót og eru honum færðar þakkir fyrir samstarfið í gegnum árin."

Orri V. Hlöðversson

Ásdís Kristjánsdóttir

Elísabet B. Sveinsdóttir

Andri S. Hilmarsson


Bókun:

"Undirrituð harma þá lýsingu sem fram kemur í bréfi fráfarandi héraðsskjalavarðar. Skortur á tillitssemi og virðingu við starfslok lykilstarfsmanns til margra ára er úr öllum takti við markmið Kópavogsbæjar um að rækta sem best þann mannauð sem í starfsfólki hans felst. Enn síður speglast í þessum samskiptum sú áhersla mannauðsstefnunnar að samskipti starfsfólks skuli einkennast af virðingu, umburðarlyndi og jákvæðu viðmóti. Undirrituð fordæma hvernig staðið hefur verið að niðurlagningu Héraðsskjalasafns. Við krefjum bæjarstjóra upplýsinga um safngögn, hvaða flokkar skjala eru vistaðir hjá Þjóðskjalasafni og hvaða skjalaflokkum og frá hvaða tímabili er haldið er eftir hjá Kópavogsbæ. Sérstaklega er spurst fyrir um einkasöfn sem íbúar Kópavogs höfðu falið Héraðsskjalasafninu til varðveislu."

Bergljót Kristinsdóttir

Einar Þorvarðarson

Helga Jónsdóttir

Sigurbjörg Erla Egilsdóttir

Frá fyrrverandi héraðsskjalaverði, dags. 30.09.2024, lagt fram erindi til bæjarráðs.

Frestað til næsta fundar.