Fjárhagsáætlun 2025 - seinni umræða

Frá bæjarstjóra, lögð fram drög að fjárhagsáætlun 2025 til seinni umræðu.

Ásdís Kristjánsdóttir, bæjarstjóri, kynnti þær breytingar sem orðið höfðu á fjárhagsáætlun ársins 2025 á milli umræðna. Bæjarstjóri gerði grein fyrir fjárhagsáætlun 2025 svo breyttri og lagði til að hún yrði samþykkt.

Fundarhlé hófst kl. 18:25, fundi fram haldið kl. 20:26


Tillaga að álagningu gjalda fyrir 2025:

I. Lagt er til að útsvar fyrir árið 2025 verði 14,93%

Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.


II. Lagt er til að fasteignagjöld fyrir árið 2025 verði álögð sem hér segir:

a) Fasteignaskattur

1.Íbúðarhúsnæði lækki úr 0,165% í 0,162% af fasteignamati.

Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.

2.Atvinnuhúsnæði lækki úr 1,42% í 1,40% af fasteignamati.

Bæjarstjórn samþykkir tillöguna með 6 atkvæðum og hjásetu Sigurbjargar E. Egilsdóttur, Helgu Jónsdóttur, Kolbeins Reginssonar, Bergljótar Kristinsdóttur og Theódóru S. Þorsteinsdóttur.

3.Opinbert húsnæði óbreytt, 1,32% af fasteignamati (sbr. b-lið 3. mgr. 3. gr. laga nr. 4/1995).

Bæjarstjórn samþykkir tillöguna með 6 atkvæðum og hjásetu Sigurbjargar E. Egilsdóttur, Helgu Jónsdóttur, Kolbeins Reginssonar, Bergljótar Kristinsdóttur og Theódóru S. Þorsteinsdóttur.

4.Hesthús lækki úr 0,165% í 0,162% af fasteignamati.

Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.

5.Sumarhús lækki úr 0,165% í 0,162% af fasteignamati.

Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.


b) Vatnsskattur og holræsagjald

1.Vatnsskattur verði óbreyttur 0,058% af heildarfasteignamati. Aukavatnsgjald skv. mæli verði kr. 56,47 (var 54,35) fyrir hvern m3 vatns. (hækkar um 3,9%)

Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.

2.Fráveitugjald, sbr. reglugerð um fráveitugjald í Kópavogsbæ nr. 729/2001, lækki úr 0,059% af fasteignamati og verði 0,058%, sbr. lög um skráningu og mat fasteigna nr. 94/1976 með síðari breytingum. Sé ekkert mannvirki á lóð greiðist ekki holræsagjald. Ekki skal reikna fráveitugjald af húsi það ár sem bygging þess hefst. Rotþróargjald fyrir íbúðarhúsnæði að Vatnsenda verði kr. 36.456 (var 35.088) og innheimtist með fasteignagjöldum. (hækkar um 3,9%)

Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.


c) Lóðarleiga:

1.Fyrir lóðir íbúðar-, sumar-, hesthúsa og í Lækjarbotnum hækkar úr 21,43 kr/m² og verður 23,62 kr/m².

Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.

2.Fyrir lóðir annarra húsa hækkar úr 180,00 kr/m² og verður 185,40 kr/m².

Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.

Gjalddagar fasteignagjalda 2024 verði tíu, þann 1. febrúar, 1. mars, 1. apríl, 1. maí, 1. júní, 1. júlí, 1. ágúst, 1. september, 1. október og 1. nóvember og greiðist tíundi hluti gjaldsins hverju sinni. Eindagi verði í lok hvers mánaðar.

Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Sigurbjargar E. Egilsdóttur, Bergljótar Kristinsdóttur, Helgu Jónsdóttur og Kolbeins Reginssonar.

Gjaldendur er greiða lægri fasteignagjöld en 50.000 kr. greiði þau í einu lagi á gjalddaga 03.03.2025.

Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.

Gjaldendur er greiða fasteignagjöld að fullu fyrir lokun þann 17.02. 2025 fá 3% staðgreiðsluafslátt

Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.


d) Elli- og örorkulífeyrisþegar er njóta lækkunar fasteignaskatts skulu fá staðgreiðsluafslátt samkvæmt sömu reglum og aðrir gjaldendur af þeim hluta er þeim ber að greiða.

Veittur verður afsláttur af fasteignaskatti til þeirra elli- og örorkulífeyrisþega, sem búa í eigin íbúð. Miðast afslátturinn við eftirfarandi tekjumörk í framtali ársins 2024:

100% lækkun:

Einstaklingar með heildarárstekjur allt að 7.133.000 krónur (var 6.748,5 þ).

Hjón með heildarárstekjur allt að 9.114.000 krónur (var 8.622,2 þ).

75% lækkun:

Einstaklingar með heildarárstekjur á bilinu frá 7.133.001 - 7.251.000 krónur (var 6.860 þ.).

Hjón með heildarárstekjur á bilinu 9.114.001 - 9.386.000 krónur (var 8.880 þ).

50% lækkun:

Einstaklingar með heildarárstekjur á bilinu 7.251.001 - 7.370.000 krónur (var 6.973 þ).

Hjón með heildarárstekjur á bilinu 9.386.001 - 9.823.000 krónur (var 9.293,3 þ).

25% lækkun:

Einstaklingar með heildarárstekjur á bilinu 7.370.001 - 7.485.000 krónur (var 7.082 þ).

Hjón með heildarárstekjur á bilinu 9.386.001 - 10.247.000 krónur (var 9.694,8 þ).

Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.

e) Veittur verður styrkur til greiðslu fasteignaskatts af fasteignum þar sem fram fer starfsemi sem ekki er rekin í ágóðaskyni, svo sem menningar-, íþrótta-, æskulýðs- og tómstundastarfsemi og mannúðarstörf, sbr. sérstakar reglur bæjarstjórnar þar um.

Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.


III. Bæjarstjórn Kópavogs samþykkir á grundvelli laga nr. 7/1998 um hollustuhætti og mengunarvarnir, að leggja sérstakt sorphirðu- og eyðingargjald á hverja íbúð í Kópavogi á árinu 2025. Álagning gjaldsins breytist þannig, að í stað fastagjalds sem var kr. 62.500 á íbúð

á árinu 2024 verður nú innheimt samkvæmt hjálagðri gjaldskrá (sjá í dagskrárlið 3).

Bæjarstjórn samþykkir tillöguna með 6 atkvæðum og hjásetu Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.


Forseti bar undir fundinn 7 breytingartillögur minnihluta í heild sinni:

Bæjarstjórn hafnar tillögunum með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.


Bókun:

"Breytingartillögur minnihlutans við fjárhagsáætlun 2025 hafa verið teknar til skoðunar í stjórnsýslu bæjarfélagsins. Tillögurnar eru um margt gagnlegar inn í umræðuna ef frá er talin tillaga þar sem lögð er til frestun á byggingu keppnisvallar HK. Við skoðun kemur í ljós að megin inntak þeirra tillagna sem fram eru lagðar eru nú þegar í vinnslu innan bæjarkerfisins eða fyrirhugaðar a.m.k. að hluta í áætlun næsta árs. Meirihluti leggur til að tillögurnar sem slíkar verði felldar."

Ásdís Kristjánsdóttir

Orri V. Hlöðversson

Hjördís Ýr Johnson

Andri S. Hilmarsson

Elísabet B. Sveinsdóttir

Björg Baldursdóttir



Forseti bar undir fundinn fjárhagsáætlun fyrir árið 2025 í heild sinni með framkomnum breytingum:

Bæjarstjórn samþykkir fjárhagsáætlun fyrir árið 2025 með 6 atkvæðum gegn atkvæðum Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur.


Bókun:

"Undirrituð greiða atkvæði gegn frumvarpi meirihluta bæjarstjórnar að fjárhagsáætlun fyrir næsta ár og málum sem henni fylgja. Bæjarráð, skipað fulltrúum meirihluta og minnihluta, ber samkvæmt lögum og bæjarmálasamþykkt ábyrgð á að undirbúa fjárhagsáætlun og leggja hana fyrir bæjarstjórn til umræðu og samþykktar. Minnihlutinn í Kópavogi var virtur að vettugi og fékk ekkert tækifæri til að hafa áhrif á fjárhagsáætlun bæjarstjóra. Það var fyrst við fyrri umræðu í bæjarstjórn, sem fulltrúar minnihlutans gátu komið áherslum að.

Við stóðum sameiginlega að sjö tillögum til breytinga á fjárhagsáætlun ásamt greinargerð. Tillögurnar áttu það sammerkt að horfa til framtíðar og taka á mikilvægum verkefnum sem munu valda vanda ef ekki er tekist á við þau.

Við horfum upp á vaxandi vanda í ódeiliskipulögðum gömlum hverfum á Digranesi og Kársnesi. Þar er byggðin að endurnýjast með ákvörðunum um einstakar lóðir en ekki á grunni heildarsýnar á yfirbragð byggðar. Við horfum upp á að embætti byggingarfulltrúa hefur ekki það afl sem þarf til að gegna mikilvægu öryggishlutverki sínu í þágu íbúa.

Við upplifum að metnaðarfullar tilraunir fyrri bæjarstjórna til að bæta stjórnsýsluna með gæðastjórnun, tengingu við heimsmarkmið og stefnumiðaða fjárhagsáætlun hafa magalent vegna þess að breytingar voru ekki innleiddar í stjórnsýslunni. Við óttumst að umbótastarf í tengslum við endurskoðun bæjarmálasamþykktar hljóti sömu örlög ef ekki er tekið á innleiðingunni með nauðsynlegri festu.

Við sjáum skýrslur sem staðfesta að í Kópavogi er árangur í íslenskukennslu barna með erlendan bakgrunn allsendis ófullnægjandi. Brýnt er að bæta úr og leita fyrirmynda sem vel hafa gefist. Við gerðum tillögu um það og jafnframt um að tekist yrði á við vanda heimilislausra með þeirri ábyrgðarkennd sem sveitarfélögum ber.

Fyrsta tillagan okkar fól í sér að allar hinar tillögurnar eru fjármagnaðar á næsta ári. Hún var sú að fresta máli sem augljóslega er að öllu leyti vanbúið til ákvörðunar, þ.e. stúka og íþróttamannvirki fyrir HK. Sú afstaða þýðir ekki að við séum á móti málinu, HK á inni fyrirheit sem rétt er að efna. En við teljum farsælt og raunar skylt gagnvart Kópavogsbúum og fjárhag bæjarfélagsins að stórar og dýrar framkvæmdi séu undirbúnar og greindar áður en arkað er af stað. Ákvörðun um milljarða króna útgjöld til verkefnis sem ekki telst meðal skylduverkefna bæjarins þarf m.a. að undirbyggja með faglegri greiningu, áætla kostnað við framkvæmdina og hvernig hann skiptist á árin þrjú sem gert er ráð fyrir að uppbyggingin taki. Einnig þarf að liggja fyrir áætlun um árlegan rekstrarkostnað bæjarins af nýju mannvirkjunum. Alltof mörg sorgleg dæmi eru um opinberar byggingar sem fara langt fram úr fjárhagsáætlun vegna óvandaðs undirbúnings. Þær 800 milljónir króna sem bæjarstjóri leggur til á næsta ári duga vel til að sinna nauðsynlegum undirbúningi og líka fyrir þeim verkefnum sem minnihlutinn leggur til.

Það kemur ekki á óvart að bæjarstjóri leggi til að öllum tillögum minnihlutans sé hafnað. Það er sorglegt, því að tillögurnar horfa allar til framfara og byggjast á framtíðarsýn. Afgreiðslan er enn ein staðfesting á því að lýðræðið virkar ekki í Kópavogi. Þar er ekki við minnihlutann að sakast heldur nauman meirihluta sem ákveður að virða minnihlutann að vettugi."

Bergljót Kristinsdóttir

Helga Jónsdóttir

Kolbeinn Reginsson

Sigurbjörg Erla Egilsdóttir

Theodóra S. Þorsteinsdóttir


Bókun:

Meirihluti bæjarstjórnar Kópavogs hafnar ásökunum minnihlutans um útilokun frá vinnu við fjárhagsáætlun. Minnihlutinn sagði sig frá gerð hennar í upphafi kjörtímabilsins og hefur ekki óskað eftir því að taka þátt á nýjan leik. Allur undirbúningur er í samræmi við lög og reglur, og minnihlutanum gafst tækifæri til að koma með tillögur að breytingum á fjárhagsáætluninni.

Bæjarstjóri hefur svarað breytingartillögum minnihlutans, eins og má sjá í gögnum málsins.

Varðandi stúku og íþróttamannvirki fyrir HK vill meirihlutinn árétta að slíkar framkvæmdir eru mikilvægar til að styrkja íþróttastarf og samfélagslega þjónustu bæjarins. Vandaður undirbúningur liggur fyrir og verður kostnaðarmat lagt fyrir bæjarráð fljótlega. Ákvörðun um að ráðast í verkefnið er tekin með tilliti til framtíðarþarfa þar sem staðið er við það samkomulag sem gert var við íþróttafélagið árið 2012.

Meirihlutinn hafnar ásökunum um lýðræðishalla. Tillögum minnihlutans er að þessu sinni hafnað á faglegum og fjárhagslegum forsendum. Fjárhagsáætlun bæjarins er unnin með hagsmuni allra íbúa að leiðarljósi.

Ásdís Kristjánsdóttir

Orri V. Hlöðversson

Hjördís Ýr Johnson

Andri S. Hilmarsson

Elísabet B. Sveinsdóttir

Björg Baldursdóttir


Bókun:

"Bæjarstjóra ber að undirbúa mál fyrir bæjarráð sem ber ábyrgð á því að leggja drög sín að fjárhagsáætlun fyrir bæjarstjórn innan tímaramma laganna."

Bergljót Kristinsdóttir

Helga Jónsdóttir

Kolbeinn Reginsson

Sigurbjörg Erla Egilsdóttir

Theodóra S. Þorsteinsdóttir

Frá bæjarstjóra, lagðar fram breytingartillögur vegna fjárhagsáætlunar 2025.

Bæjarráð samþykkir að vísa framlögðum breytingartillögum bæjarstjóra til síðari umræðu fjárhagsáætlunar bæjarstjórnar.

Ingólfur Arnarson frá fjármálasviði gerir grein fyrir fjárhagsáætlun 2025.

Kynnt.

Frá bæjarráði, lögð fram drög að fjárhagsáætlun 2025 til fyrri umræðu.

Fundarhlé hófst kl. 18:15, fundi fram haldið kl. 18:40

Lagðar fram breytingartillögur fulltrúa minnihluta ásamt greinargerð. Tillögunum vísað til bæjarstjóra til undirbúnings fyrir síðari umræðu um fjárhagsáætlun.

Bæjarstjórn samþykkir að vísa fjárhagsáætlun 2025 til síðari umræðu með 11 atkvæðum.

Frá bæjarstjóra, lögð fram drög að fjárhagsáætlun Kópavogsbæjar og stofnana fyrir árið 2025.

Frá bæjarstjóra, lögð fram drög að fjárhagsáætlun Kópavogsbæjar og stofnana fyrir árið 2025.

Bæjarráð samþykkir með þremur atkvæðum gegn atkvæðum Theódóru S. Þorsteinsdóttur og Helgu Jónsdóttur að vísa fjárhagsáætlun ársins 2025 til afgreiðslu bæjarstjórnar.

Fundarhlé hófst kl. 9:26, fundi fram haldið kl. 11:10

Bókun:

"Samkvæmt sveitarstjórnarlögum á að leggja tillögu að fjárhagsáætlun fyrir bæjarstjórn ekki síðar en 1. nóvember en enginn bæjarstjórnarfundur er á dagskrá fyrr en 12. nóvember.  Samkvæmt lögunum á bæjarráð í heild sinni  að semja drög að fjárhagsáætlun.  Minnihlutanum hefur enginn kostur verið gefinn á umræðu um forsendur og forgangsröðun í fjárhagsáætlun, hvað þá að koma á framfæri áherslum og athugasemdum.  Fulltrúar minnihlutans í bæjarráði fengu alls engar upplýsingar um undirbúning eða forsendur.  Rekstrarkostnaður bæjarsjóðs í frumvarpinu er óbreyttur frá þessu ári.  Þó liggur fyrir að  útgjöld til allra málaflokka hafa hækkað á bilinu frá 4% í 28%.  Hvernig niðurstöðutölur eru fengnar vekur spurningar.  Undirritaðar fordæma að fulltrúum nærfellt helmings kjósenda í Kópavogi sé haldið frá því að sinna skyldu sinni. Í því ljósi kemur ekki annað til álita en að greiða atkvæði gegn fjárhagsáætlun ársins 2025 eins og hún er lögð fyrir."

Sigurbjörg E. Egilsdóttir

Theódóra S. Þorsteinsdóttir

Bergljót Kristinsdóttir

Helga Jónsdóttir


Bókun:

"Skv. 62 grein sveitarstjórnarlaga skal bæjarráð leggja fram tillögu um fjárhagsáætlun eigi síðar en 1. nóvember ár hvert. Bæjarstjórn skal fjalla um þær á tveimur fundum sem fram skulu fara með minnst tveggja vikna millibili. Að lokinni umræðu sveitarstjórnar skal afgreiða þær, þó ekki síðar en 15. desember.

Varðandi almennan rekstrarkostnaðar þá liggur munurinn í að hlutdeildarfélög eru ekki kominn inn í fjárhagsáætlun á árinu 2025 þar sem áætlanir bárust of seint.

Í upphafi kjörtímabilsins sagði minnihlutinn sig frá sameiginlegri fjárhagsáætlunarvinnu. Frá þeim tíma hefur engin ósk borist frá minnihlutanum um að taka aftur þátt í vinnu við gerð fjárhagsáætlunar."

Orri V. Hlöðversson

Ásdís Kristjánsdóttir

Hjördís Ýr Johnson

Andri S. Hilmarsson


Bókun:

"Bæjarráð á samkvæmt lögum og bæjarmálasamþykkt að leggja fram til bæjarstjórnar tillögu að fjárhagsáætlun og fylgja henni eftir á fundi bæjarstjórnar eigi síðar en 1. nóvember. Sú tillaga á að vera unnin af bæjarráðinu í heild. Það lýsir skýrt afstöðu núverandi meirihluta að engin umræða hefur átt sér stað innan bæjarráðs og ekki getur verið skýrara en í þessu máli að réttur minnihlutans til áhrifa er að engu virtur. Það er á ábyrgð bæjarstjóra að tryggja undirbúning mála þannig að Kópavogsbær standi undir skyldum sínum lögum samkvæmt þar með skyldunni til að gefa öllum fulltrúum í bæjarráði tækifæri til að koma að sjónarmiðum og tillögum við undirbúning fjárhagsáætlunar. Bæjarstjóri hefði átt að leggja fyrir bæjarráð tillögur um verklag og dagsetningar við undirbúning fjárhagsáætlunar til að gefa færi á rökræðu um forgangsröðun á vel skipulögðum bæjarráðsfundum.

Við blasir að tillaga meirihlutans er frá hans sjónarhóli tillaga bæjarráðs án umræðu eða undirbúnings. Við afgreiðslu fyrstu fjárhagsáætlunar þessa meirihluta var sú skýring gefin á samráðsleysi við minnihlutann, að ekki hefði gefist tími til þess en úr yrði bætt á næsta ári. Það gerðist ekki í fyrra og nú tekur steininn úr. Minnihlutinn fær engar upplýsingar fyrr en allt er komið á eindaga og sá dagur upp runninn sem ræða á málið í bæjarstjórn. Engar forsendur eru til þess að bæjarráð í heild geti afgreitt málið frá sér."

Sigurbjörg E. Egilsdóttir

Theódóra S. Þorsteinsdóttir

Bergljót Kristinsdóttir

Helga Jónsdóttir


Bókun:

"Skv. 62 grein sveitarstjórnarlaga stendur orðrétt: „Byggðarráð eða framkvæmdastjóri, eftir því sem kveðið er á um í samþykkt um stjórn sveitarfélags, leggur tillögu um fjárhagsáætlun skv. 1. mgr. fyrir sveitarstjórn eigi síðar en 1. nóvember ár hvert. Sveitarstjórn skal fjalla um þær á tveimur fundum sem fram skulu fara með minnst tveggja vikna millibili. Að lokinni umræðu sveitarstjórnar skal afgreiða þær, þó ekki síðar en 15. desember.“

Afgreiðsla á fárhagsáætlun er í samræmi við tímalínu annarra sveitarfélaga enda verið að fylgja ákvæðum sveitarstjórnarlaga."

Orri V. Hlöðversson

Ásdís Kristjánsdóttir

Hjördís Ýr Johnson

Andri S. Hilmarsson


Bókun:

"Bæjarstjórn er fjölskipað stjórnvald sem verður að eiga umræður og afgreiða mál á formlegum fundum. Það er skylda bæjarráðsins að sjá til þess að bæjarstjórn geti rætt tillögu að fjárhagsáætlun eigi síðar en 1. nóvember ár hvert. Bæjarráð, sem fær mál ekki til umræðu fyrr en á eindaga, getur ekki sent málið til bæjarstjórnar."

Sigurbjörg E. Egilsdóttir

Theódóra S. Þorsteinsdóttir

Bergljót Kristinsdóttir

Helga Jónsdóttir