Menningarmiðstöð

Vettvangsferð nefndarmanna vegna nýrrar menningarmiðstöðvar.

Nefndarmenn þakka góða kynningu og móttöku hjá Heimum í Smáralind þar sem áform um nýja menningarmiðstöð voru kynnt.

Kynning ásamt tillögum sem lagðar eru fram til samþykktar.

Umræður.

Gestur vék af fundi kl. 10:47.

Bæjarráð tekur undir bókun menningar- og mannlífsnefndar og felur þróunarstjóra, í samvinnu við áhættu- og fjárstýringastjóra, að vinna áfram að undirbúningi þess, m.a. að vinna þarfagreiningu, fjárhagslega greiningu þess, auk annarra þátta sem vert er að líta til.

Kynning ásamt tillögum sem lagðar eru fram til samþykktar.

Védís Hervör Árnadóttir umbóta- og þróunarstjóri kynnir hugmyndir að menningarmiðstöð í Smáralind og bókasafni í efri byggðum.

Menningar- og mannlífsnefnd fagnar stórhuga áformum þess efnis að opna menningarmiðstöð í Smáralindinni og nýtt bókasafn í efri byggðum að aflokinni þarfagreiningarvinnu. Bæði verkefnin stuðla að auknu aðgengi Kópavogsbúa að bókum og menningu og rímar vel við menningarstefnu bæjarins og innleiðingu á heildstæðri læsisáætlun sem innleidd verður á árinu.

Við teljum að ný miðstöð í Smáralind verði ekki aðeins bókasafn eða menningarmiðstöð, heldur lifandi samfélags-, menningar- og fræðslumiðstöð sem styrkir bæjarfélagið, skapar ný tækifæri og byggir samfélagslega samstöðu íbúa.

Nefndin leggur áherslu á að bæði verkefnin verði þróuð áfram af yfirstjórn bæjarins og að staðsetning bókasafns í efri byggðum verði tekin sem fyrst. Nefndin vísar fjárhagslegum þáttum til afgreiðslu bæjarráðs.