Niðurstöður undirskriftasöfnunar um lengri opnunartíma sundlauga

Lagður fram undirskriftarlisti vegna lengri opnunartima sundlauga í Kópavogi þar sem skorað er á bæjarstjórn Kópavogs að tryggja fjármagn í fjárhagsáætlun 2027 til lengri opnunartíma sundlauga um helgar.

Bæjarráð vísar erindinu til fjárhagsáætlunargerðar.

Bókun:

"Undirritaður þakkar framtak Kópavogsbúa og þeim sem skrifað hafa undir undirskriftalistann. Samfylking lagði mikla áherslu á lengingu opnunartíma í kosningabaráttunni síðastliðið vor og tekur heilshugar undir áskorunina. Mikilvægt er að opnunartímar séu lengdir og færi best á því að opið væri til kl. 22 alla daga ársins í bæði Kópavogslaug og Salalaug.

Þá er fullt tilefni til að kanna hvort áhugi sé fyrir því meðal ungmenna bæjarins að framlengja opnunartímann enn frekar, til kl. 23, á föstudögum og laugardögum um sumar, líkt og tillaga Samfylkingar sem flutt var í bæjarstjórn Kópavogs þann 23. júní 2026 kvað á um. Sú tillaga var ekki samþykkt af meirihluta bæjarráðs þann 2. júlí. Undirritaður mun eftir sem áður leggja áherslu á lengingu opnunartíma við komandi fjárhagsáætlunargerð."

Jónas Már Torfason


Bókun:

"Í meirihlutasáttmála Sjálfstæðisflokksins og Framsóknar er gert ráð fyrir lengri helgaropnun sundlauga og regluleg miðnæturopnun til að mæta þörfum íbúa og efla lýðheilsu. Þessi umræða verður tekin í afgreiðslu fjárhagsáætlunar fyrir árið 2027."

Andri Steinn Hilmarsson

Orri Vignir Hlöðversson

Ásdís Kristjánsdóttir

Hjördís Ýr Johnson