Menntaráð - 37. fundur

Kynning á vinnu samstarfshóps mennta- og velferðasviðs.

Ingunn Mjöll Birgisdóttir,verkefnastjóri á menntasviði, Guðlaug Ósk Gísladóttir, deildarstjóri málefna fatlaðra velferðarsviði, Anna Eygló Karlsdóttir, deildarstjóri fjölskyldudeildar velferðarsviðs og Ragnheiður Hermannsdóttir, deildarstjóri grunnskóladeildar, kynntu vinnu samstarfsteymis mennta- og velferðarsviðs og þau samstarfsverkefni sem skilgreind hafa verið.

Menntaráð þakkar fyrir kynninguna og fagnar þessari metnaðarfullu vinnu á sviðunum.

Niðurstöður ytra mats og umbótaáætlun lagt fram. Viðmið og framkvæmd ytra mats grunnskóla má finna á eftirfarandi slóð: https://mms.is/ytra-mat-skola-3

Niðurstöður ytra mats í Kópavogsskóla og umbótaáætlun kynnt og rædd.

Lagt fram minnisblað um framkvæmdir frá síðasta ári og fyrirhugaðar framkvæmdir.

Menntaráð samþykkir fyrir sitt leyti með öllum greiddum atkvæðum tillögu um ráðstöfun fjármagns til verkefnisins "Skemmtilegri skólalóðir" samkvæmt fram lögðu erindi Friðriks Baldurssonar, garðyrkjustjóra Kópavogs.

Tillaga að breytingu á reglum Forvarnasjóðs Kópavogs lagðar fram.

Menntaráð samþykkir með öllum greiddum atkvæðum tillögu að breytingum á reglum forvarnarsjóðs.