Menntaráð - 89. fundur

Kynning á vinnu Snælandsskóla við innleiðingu réttindaskólaverkefnis Unicef.

Snælandsskóli hefur fengið viðurkenningu sem réttindaskóli og réttindafrístund Unicef. Magnea Einarsdóttir, skólastjóri og Kristín Pétursdóttir, deildarstjóri Snælandsskóla kynntu verkefnið, sem skólinn, frístundin og félagsmiðstöðin eru þátttakandendur í.

Menntaráð þakkar fyrir góða kynningu og óskar Snælandsskóla og frístundastarfi í skólanum til hamingju með viðurkenninguna.

Máli frestað frá fundi menntaráðs þann 16. nóvember 2021.

Menntaráð samþykkti umsögn um lýðheilsustefnu Kópavogsbæjar.

Viðmið um skóladagatal ásamt tillögum um skólabyrjun, vetrarfrí og sameiginlega starfsdaga lagt fram.

Menntaráð samþykkir dagsetningar á skólabyrjun, vetrarfríum og sameiginlegum skipulagsdögum fyrir skólaárið 2022 -2023 með öllum greiddum atkvæðum. Menntaráð felur grunnskóladeild að gera könnun meðal foreldra á haustönn 2022 um fyrirkomulag vetrarfría.

Kynnt aðgerðaráætlun menntasviðs og niðurstöður fjárhagsáætlunnar 2022.

Anna Birna Snæbjörnsdóttir, sviðsstjóri menntasviðs kynnti niðurstöður stefnumiðaðrar fjárhagsáætlunar 2022.

Fundaráætlun menntaráðs fyrir vorönn 2022 lögð fram.

Fundaráætlun samþykkt með öllum greiddum atkvæðum.