Menntaráð - 36. fundur

Kynning á skipulagi og framkvæmd menntabúða fyrir kennara sem haldnar eru í grunnskólum Kópavogs.

Bergþóra Þórhallsdóttir, deildarstjóri í Kópavogsskóla kynnti menntabúðir í grunnskólum Kópavogs. Menntaráð lýsir yfir ánægju sinni með framtakið og þakkar Bergþóru góða kynningu.

Kynna verkefni sem hlotið hafa styrk frá Kópavogsbæ til þróunarverkefna á skilum skólastiga.

Menntaráð fagnar þeim verkefnum sem hlotið hafa styrk til að vinna að bættri samfellu skólastiga.

Lögð fram viðmið um skóladagatöl og tillögur skólastjóra um dagsetningar vetrarfría og skólabyrjunar skólaárið 2019-2020.

Menntaráð samþykkir með öllum greiddum atkvæðum tillögu skólastjóra varðandi dagsetningar vetrarfría og skólabyrjunar skólaárið 2019-2020.

Menntaráð samþykkir með öllum greiddum atkvæðum viðmið um skóladagatöl. Menntaráð hvetur skólastjóra til að kynna vel fyrir foreldrum tilgang og verkefni sem unnin eru á skipulagsdögum.

Kynning á eftirfylgni á niðurstöðum úttektar á mötuneytum sem fram fór í skólum bæjarins 2018.

Ragnheiður Hermannsdóttir, deildarstjóri grunnskóladeildar, kynnti námskeið sem haldin voru fyrir starfsfólk mötuneyta leik- og grunnskóla, í nóvember 2018 til eftirfylgni með úttekt á mötuneytum grunnskóla bæjarins, sem fram fór vorið 2018. Menntaráð lýsir ánægju sinni með framkvæmd og eftirfylgni úttektar.

Kynning á nýrri vefsíðu sem ætluð er til að styðja við leik- og grunnskólakennara og aðra sem starfa með börnum með annað móðurmál en íslensku, fjolmenning.kopavogur.is

Menntaráð fagnar mjög nýrri vefsíðu fjölmenningar. Vefurinn er til fyrirmyndar og sýnir metnað í málaflokknum.