Menntaráð - 160. fundur

Kynning á þróun frístundastarfs félagsmiðstöðva.

Victori Berg Guðmundssyni, deildarstjóra frístundadeildar, er þökkuð góð kynning á þróun frístundastarfs félagsmiðstöðva í Kópavogi.

Umræður.

Menntaráð fagnar auknum opnunartíma félagsmiðstöðva í Kópavogi.

Victor Berg kemur inn á fund kl. 16:45.

Erindi frestað á síðasta fundi menntaráðs og vísað til næsta fundar.

Svar við fyrirspurn Björns Þórs Rögnvaldssonar um opnunartíma, starfsemi og mönnun félagsmiðstöðva í Kópavogi lagt fram.


Umræður.

Victor Berg Guðmundsson vék af fundi kl. 17:25.

Erindi frestað á síðasta fundi menntaráðs og vísað til næsta fundar.

Svar við fyrirspurn Björns Þórs Rögnvaldssonar varðandi húsnæðismál Kópavogsskóla lagt fram.

Bókun frá Birni Þór Rögnvaldssyni: Undirritaður þakkar gott svar frá menntasviði og hvetur til góðrar upplýsingagjafar til foreldra varðandi myglu í skólanum. Lýst er áhyggjum yfir því að engin aðstaða er fyrir skólabókasafn í Kópavogsskóla, en mikilvægt er að sveitarfélagið skaffi börnum jöfn tækifæri hvað varðar aðgengi að bókum í skólum, en nú er svo ástatt að a.m.k. tveir grunnskólar í sveitarfélaginu eru án aðstöðu fyrir bókasafn.

Bókun frá meirihlutanum: Meirihluti menntaráðs bendir á að bókasöfn eru til staðar í öllum grunnskólum Kópavogs, utan tímabundinnar lokunar í Kópavogsskóla.

Meirihlutinn fagnar jafnframt fjölbreyttum útfærslum bókasafna skólanna, enda hlýtur lokamarkmiðið að vera að hvetja til aukins lesturs barna.

Kynning á aðgerðaráætlun Barnvæns sveitarfélags.

Amöndu K. Ólafsdóttur, skrifstofustjóra menntasviðs, er þökkuð góð kynning á Aðgerðaáætlun Barnvæns sveitarfélags 2025-2027 í Kópavogi.

Umræður.

Amanda K. Ólafsdóttir víkur af fundi kl. 16:45.

Kynning á þróunarverkefni "Gervigreind - uppspretta nýrra tækifæra?" lögð fram.

Bergþóra Þórhallsdóttir, verkefnastjóri upplýsingatækni í skólastarfi, kynnir þróunarverkefni sem hlaut styrk úr Sprotasjóði í mars 2026.

Umræður.

Bergþóra Þórhallsdóttir kemur inn á fund kl. 17:50 og víkur af fundi kl. 18:25.