Fyrirspurn frá Birni Þór Rögnvaldssyni, fulltrúa Samfylkingar í menntaráði, varðandi húsnæðismál skóla

Erindi frestað á síðasta fundi menntaráðs og vísað til næsta fundar.

Svar við fyrirspurn Björns Þórs Rögnvaldssonar varðandi húsnæðismál Kópavogsskóla lagt fram.

Bókun frá Birni Þór Rögnvaldssyni: Undirritaður þakkar gott svar frá menntasviði og hvetur til góðrar upplýsingagjafar til foreldra varðandi myglu í skólanum. Lýst er áhyggjum yfir því að engin aðstaða er fyrir skólabókasafn í Kópavogsskóla, en mikilvægt er að sveitarfélagið skaffi börnum jöfn tækifæri hvað varðar aðgengi að bókum í skólum, en nú er svo ástatt að a.m.k. tveir grunnskólar í sveitarfélaginu eru án aðstöðu fyrir bókasafn.

Bókun frá meirihlutanum: Meirihluti menntaráðs bendir á að bókasöfn eru til staðar í öllum grunnskólum Kópavogs, utan tímabundinnar lokunar í Kópavogsskóla.

Meirihlutinn fagnar jafnframt fjölbreyttum útfærslum bókasafna skólanna, enda hlýtur lokamarkmiðið að vera að hvetja til aukins lesturs barna.

Svar við fyrirspurn lagt fram.

Menntaráð samþykkir með öllum greiddum atkvæðum að málinu sé frestað til næsta fundar.

Fundi menntaráðs lauk kl. 19:40.