Menntaráð - 60. fundur

Farið yfir framkvæmd skólastarfs á tímum Covid-19 faraldurs í grunnskólum Kópavogs og hjá skólahljómsveit Kópavogs.

Menntaráð þakkar skólastjórnendum, starfsfólki skólanna sem og starfsfólki menntasviðs fyrir mjög gott starf og jákvætt viðhorf og viðbrögð í þessum óvenjulegu aðstæðum

Kynning á framkvæmd fjarnáms við grunnskóla Kópavogs á tímum skerts skólastarfs.

Bergþóra Þórhallsdóttir, verkefnastjóri í upplýsingatækni kom á fundinn og gerði grein fyrir fjarnámi og stuðningi menntasviðs við grunnskóla bæjarins við skipulag þess.

Staða húsnæðismála kynnt.

Lagt fram.

Upplýst um stöðu verkefnis á menntasviði við gerð viðmiða fyrir eineltisáætlanir grunnskóla, fræðslu og samráð við skólastjórnendur um hvernig stuðlað er að jákvæðum skólabrag og samskiptum.

Jafnframt lögð fram svohljóðandi fyrirspurn frá Sigurbjörgu Erlu Egilsdóttur, áheyrnafulltrúa Pírata: "Óska eftir upplýsingum um hvaða eineltisáætlunum er unnið eftir, og hvernig haldið er utan um atvikaskráningu, í hverjum grunnskóla Kópavogs fyrir sig."

Máli frestað.

Kynning á ráðningu Maríu Jónsdóttur í stöðu skólastjóra.

Menntaráð býður Maríu Jónsdóttur velkomna til starfa og óskar henni velfarnaðar.

Kynning á ráðningu Þórunnar Jónasdóttur í stöðu skólastjóra.

Menntaráð býður Þórunni Jónasdóttur velkomna til starfa og óskar henni velfarnaðar.