Öldungaráð - 6. fundur

Niðurstöður viðhorfskönnunar vegna hádegisverðar í félagsmiðstöðvum og heimaþjónustu eldri borgara í Kópavogi lögð fram.

Amanda K. Ólafsdóttir deildarstjóri frístundadeildar og Anna Klara Georgsdóttir deildarstjóri öldrunarþjónustu kynna niðurstöður viðhorfskönnunar fyrir ráðinu og umræða í framhaldi um niðurstöðurnar. Halda áfram viðhorfskönnunum um gæði matarins og þjónustu. Ræddar hugmyndir um að elda á öllum stöðum, þyrfti að skoða og kostnaðargreina. Öldungaráð felur starfsmanni ráðsins að kanna það nánar.

Ákveða dagsetningu opins fundar öldungaráðs og FEBK.

Lagt fram minnisblað Sambands íslenskra sveitarfélaga, um ný og breytt ákvæði um notendaráð á grundvelli laga sem tóku gildi 1.október 2018.

Ákveðið að halda opinn fund í mars 2019, samhliða aðalfundi FEBK.

Öldungaráð felur starfsmanni ráðsins að fylgja eftir endurskoðun á erindisbréfi öldungaráðs með tilliti til nýrra laga um notendaráð/öldungaráð í samráði við forsætisnefnd.

Upplýsingar um dreifingu á upplýsingabæklingi ætlaður eldri borgurum í Kópavogi.

Starfsmaður öldungaráðs kynnir drög að fyrirkomulagi vegna dreifingar á upplýsingabæklingi ætlaður eldri borgurum í Kópavogi. Í framhaldi sendir starfsmaður út boð og fyrirkomulag á bæjarfulltrúa, FEBK og aðra áhugasama um þegar bæklingnum verði dreift.