Umhverfis- og samgöngunefnd - 95. fundur

Kynntar hugmyndir að endurskipulagi og hönnun Vesturvarar og Kársnesbrautar frá Hafnarfjarðarvegi að Bakkabraut þar sem meðal annars er horft til umferðaröryggis, fyrirkomulagi gatnamóta og göngu- og hjólaleiða. Svanhildur Jónsdóttir umferðar- og samgönguverkfræðingur og Smári Ólafsson umferðar- og samgönguverkfræðingur hjá VSÓ gera grein fyrir málinu.

Umhverfis- og samgöngunefnd samþykkir áframhaldandi vinnu við umferðarhönnun Vesturvarar og Kársnesbrautar frá Hafnafjarðarvegi að Bakkabraut og telur mikilvægt að hraða vinnu við úrvinnslu eins og kostur sé.

Kynning frá Alta ehf. á samstarfsverkefni Kópavogsbæjar og Reykjavíkurborgar á mismunandi leiðum í úrgangsmálum.

Lögð fram og kynnt.

Kynning frá Klöppum ehf. á tilraunaverkefni varðandi samsöfnun upplýsinga og framsetningu varðandi umhverfisvísa í samræmi við Heimsmarkmiðin 17.

Umhverfis- og samgöngunefnd samþykkir áframhaldandi vinnu við verkefnið.

Kynning á tilraunaverkefni plastsöfnunar frá deildarstjóra gatnadeildar.

Umhverfis- og samgöngunefnd fagnar góðum árangri tilraunaverkefnis plastsöfnunar. Nefndin leggur til óbreytt fyrirkomulag flokkunar úrgangsefna í bláa tunnu og farið verði í útboð á meðhöndlun úrgangs í blárri tunnu í sveitarfélaginu.

Kostnaðarliðum vísað til bæjarráðs og bæjarstjórnar.

Frá garðyrkjustjóra lögð fram tillaga að fyrirkomulagi og leigugjaldi 2018.

Umhverfis- og samgöngunefnd samþykkir að framlagt leigugjald garðlanda 2018 verði hækkað í samræmi við tillögu en frestar öðrum þáttum erindisins til næsta fundar.

Frá garðyrkjustjóra kynning á árangri tilraunaverkefnis með Garðyrkjufélagi Íslands 2017, sem hafði það að markmiði að efla vitund og almenna þekkingu á garðrækt og umhverfi, og lögð fram tillaga um áframhaldi verkefnisins 2018.

Umhverfis- og samgöngunefnd samþykkir framlagða tillögu.

Kynnt framvinda verkefnisins og fyrirhugaðir samráðsfundir í febrúar og mars.

Frestað.