Umhverfis- og samgöngunefnd - 136. fundur

Lögð fram vinnslutillaga að rammahluta Aðalskipulags Kópavogs 2019-2040, Borgarlínan í Kópavogi dags. í janúar 2021. Viðfangsefni tillögunnar er nánari útfærsla fyrir Borgarlínuna í Kópavogi. Þar er lögð fram tillaga að legu, staðsetningu stöðva, áherslum á forgang og skipulag göturýmis. Jafnframt eru kynnt þau viðmið sem líta ber til við útfærslu Borgarlínunnar, hvort sem er í deiliskipulagi göturýmis eða hönnun innviða Borgarlínunnar. Rammahlutinn um 1. lotu Borgarlínunnar er ítarlegri stefna tillögu að Aðalskipulagi Kópavogs 2019-2040 til að tryggja framfylgd meginmarkmiða skipulagsins um Borgarlínuna. Viðfangsefni tillögunnar eru liður í því að stuðla að framfylgd samgöngusáttmála ríkis- og sveitafélaganna og tryggja framfylgd samgönguáætlunar 2020-2034. Kynning á vinnslutillögu að rammahluta er ætlað að tryggja að sjónarmið og ábendingar íbúa og hagaðila nýtist við mótun skipulagstillögu og hönnunarvinnu fyrir Borgarlínuna.

Samhliða kynningu á vinnslutillögunni verða kynnt frumdrög 1. lotu Borgarlínunnar, Ártúnshöfði - Hamraborg dags. í janúar 2021. Frumdrögin eru fylgigögn til hliðsjónar vinnslutillögunni. Hrafnkell Á. Proppé og Stefán Gunnar Thors frá Verkefnastofu Borgarlínu gera grein fyrir erindinu.

Umhverfis- og samgöngunefnd samþykkir að framlögð vinnslutillaga að rammahluta tillögu að Aðalskipulagi Kópavogs 2019-2040, Borgarlínan í Kópavogi, verði kynnt ítarlega fyrir íbúum Kópavogsbæjar.

Frá sviðsstjóra umhverfissviðs, dags. 30. nóvember, lögð fram drög að aðgerðaráætlun fyrir leiksvæði í Kópavogi skv. greinargerð garðyrkjustjóra dags. 30. nóvember. Á fundi bæjarráðs 10. desember 2020 var samþykkt að vísa aðgerðaráætlun um endurnýjun leiksvæða í Kópavogi til umsagnar nefnda og ráða bæjarins.

Lagt fram og kynnt.

Frá verkefnastjóra íbúatengsla, dags. 19. janúar, lagt fram minnisblað um gerð draga að loftlagsstefnu fyrir Kópavogsbæ.

Bæjarráð samþykkir með fimm atkvæðum að vísa málinu til úrvinnslu umhverfis- og samgöngunefndar með vísan til minnisblaðs verkefnastjóra íbúatengsla.

Lagt fram og kynnt. Umhverfis- og samgöngunefnd felur umhverfissviði að vinna verkefnið áfram og leggja fyrir á næsta fundi nefndarinnar.

Lögð fram að nýju skógræktaráætlun Kópavogs ásamt innsendum umsögnum. Á fundi skipulagsráðs 7. september 2020 kynnti Þórveig Jóhannsdóttir skógfræðingur hjá Skógræktarfélagi Íslands drög að skógræktaráætlun á svæði sem lengi hefur verið skilgreint skógræktar- og uppgræðslusvæði í Aðalskipulagi Kópavogs.

Skipulagsráð samþykkir að framlögð skógræktaráætlun verði send hagsmunaaðilum til umsagnar. Þá lagðar fram umsagnir frá Minjastofnun Íslands, Skógræktinni, Landgræðslunni, Forsætisráðuneytinu, Heilbrigðiseftirliti Hafnarfjarðar- og Kópavogssvæðis, Umhverfisstofnun og Náttúrufræðistofnun Íslands.

Lagt fram og kynnt. Umsögnum vísað til úrvinnslu umhverfissvið og að kynna fyrir nefndinni þegar úrvinnslu umsagna er lokið.

Kynnt verður staða á máli varðandi gjaldskyldu í Hamraborg.

Deildarstjóri gatnadeildar gerir grein fyrir stöðu mála.

Umhverfis- og samgöngunefnd samþykkir að hefja gjaldtöku á svæðinu. Vísað til nánari útfærslu á valkostum 1 og 2 og frekari kynningar frá Umhverfissviði á næsta fundi nefndarinnar.

Kynntar verða mögulegar útfærslur á brúarhandriðum á brúm yfir Hafnarfjarðarveg á Digranesvegi og Hamraborg. Til að uppfylla öryggisskilyrði þarf Vegagerðin að bæta árekstursstyrk handriða á brúnum sem í dag fullnægja ekki kröfum um öryggi og styrk.

Deildarstjóri gatnadeildar gerir grein fyrir stöðu mála.

Frestað.

Lagt fram erindi frá Sigurði Sigurbjörnssyni dags. 28.1.2021 varðandi ósk um heimild til uppsetningu á skiltum.

Vísað til umsagnar umhverfissviðs.