Loftslagsstefna Kópavogsbæjar

Áframhaldandi umræða vegna draga af loflagsstefnu Kópavogs. Málinu var frestað á síðasta fundi nefndarinnar til frekari vinnslu. Encho Plamenov Stoyanov, Auður Finnbogadóttir, Jakob Sindri Þórsson og Sigrún María Kristinsdóttir gera grein fyrir erindinu.

Umhverfis- og samgöngunefnd samþykkir að setja drög að loftlagsstefnu Kópavogs í

áframhaldandi meðferð innan stjórnsýslunnar og að drögin verði sett í umsagnarferli fyrir ráð og nefndir

Lagt fram að nýju drög að loftlagsstefnu Kópavogs. Sigrún María Kristinsdóttir, Auður Finnbogadóttir, Jakob Sindri Þórsson og Encho Plamenov Stoyanov gera grein fyrir erindinu.

Lagt fram og kynnt. Afgreiðslu frestað.

Frá verkefnastjóra íbúatengsla, dags. 3. janúar 2022, lögð fram drög að loftlagsstefnu Kópavogsbæjar.

Fundarhlé hófst kl. 10:15, fundi fram haldið kl. 10:20.

Bæjarráð samþykkir með fimm atkvæðum að vísa drögunum til nýrrar afgreiðslu umhverfis- og samgöngunefndar.

Lögð fram drög að loftlagsstefnu Kópavogs dags. 15. desember 2021. Sigrún María Kristinsdóttir, Auður Finnbogadóttir, Jakob Sindri Þórsson og Encho Plamenov Stoyanov gera grein fyrir erindinu.

Lagt fram og kynnt.

Frá verkefnastjóra íbúatengsla, dags. 3. desember 2021, lagt fram svar við fyrirspurn bæjarfulltrúa varðandi stöðu á vinnu við loftlagsstefnu.

Frá verkefnastjóra íbúatengsla, dags. 3. desember 2021, lagt fram svar við fyrirspurn bæjarfulltrúa varðandi stöðu á vinnu við loftlagsstefnu.

Lagt fram.

Frá bæjarfulltrúa Theódóru S. Þorsteinsdóttur, dags. 30. nóvember 2021. Óskað eftir upplýsingum um hvar sú vinna við loflagsstefnu er stödd.

Bæjarráð vísar málinu til umsagnar sviðsstjóra stjórnsýslusviðs.

Frá verkefnastjóra íbúatengsla lögð fram tillaga að verkefnisáætlun um innleiðingu Loftlagsstefnu Kópavogsbæjar dags. 4. mars 2021.

Umhverfis- og samgöngunefnd samþykkir framlagða tillögu að verkefnisáætlun Loftlagsstefnu Kópavogsbæjar.

Frá verkefnastjóra íbúatengsla, dags. 25. febrúar 2021, lagt fram minnisblað um stefnu Kópavogsbæjar í loftslagsmálum.

Bæjarráð samþykkir með fimm atkvæðum framlagða verkefnisáætlun fyrir sitt leyti og vísar erindinu til afgreiðslu umhverfis- og samgöngunefndar.

Frá verkefnastjóra íbúatengsla, dags. 19. janúar, lagt fram minnisblað um gerð draga að loftlagsstefnu fyrir Kópavogsbæ.

Bæjarráð samþykkir með fimm atkvæðum að vísa málinu til úrvinnslu umhverfis- og samgöngunefndar með vísan til minnisblaðs verkefnastjóra íbúatengsla.

Lagt fram og kynnt. Umhverfis- og samgöngunefnd felur umhverfissviði að vinna verkefnið áfram og leggja fyrir á næsta fundi nefndarinnar.

Frá verkefnastjóra íbúatengsla, dags. 19. janúar, lagt fram minnisblað um gerð draga að loftlagsstefnu fyrir Kópavogsbæ.

Bæjarráð samþykkir með fimm atkvæðum að vísa málinu til úrvinnslu umhverfis- og samgöngunefndar með vísan til minnisblaðs verkefnastjóra íbúatengsla.

Fundarhlé hófst kl. 10:32, fundi fram haldið kl. 10:37.

Bókun:

"Undirrituð fagnar því að loksins standi til að hefja vinnu við gerð loftslagsstefnu Kópavogsbæjar enda ekki seinna vænna þar sem stefnan þarf lögum samkvæmt að vera tilbúin í lok árs 2021. Mikilvægt er að loftslagsstefnan verði unnin í breiðu samráði og þvert á málaflokka, og að samvinna við SSH eða Samband íslenskra sveitarfélaga takmarki ekki þá vinnu. Þá er mikilvægt að stefnunni fylgi bindandi aðgerðaáætlun með mælanlegum markmiðum í kjölfar úttektar á stöðu loftslagsmála hjá bænum. Loftslagsmál ættu að vera grundvöllur allrar stefnumótunar, ákvarðanatöku, framkvæmda og fjárfestinga hjá Kópavogsbæ."

Sigurbjörg E. Egilsdóttir

Fundarhlé hófst kl. 10:39, fundi fram haldið kl. 10:42.

Bókun:

"Það veldur áhyggjum að skapalónið sem umhverfisstofnun lofaði og átti að vera til að aðstoða sveitarfélögin við gerð loftlagsstefnu í samræmi við lög og reglur liggur ekki fyrir. Því var lofað um mitt síðasta ár, svo í lok árs og nú á það að verða tilbúið undir mitt þetta ár. Þessi töf hefur eðlilega áhrif á vinnuhraða sveitarfélaga og landshlutasamtaka."

Ármann Kr. Ólafsson

Bókun:

"Ég fagna því að vinna hefjist við mótun loftslagsstefnu. Ég hefði talið eðlilegra að skipaður verði starfshópur bæjarfulltrúa til að vinna að málinu þar sem lítill tími er til að ljúka verkinu."

Pétur Hrafn Sigurðsson

Fundarhlé hófst kl. 10:44, fundi fram haldið kl. 10:48.

Bókun:

"Töf við gerð skapalóns frá Umhverfisstofnun er ekki afsökun fyrir því að vinna Kópavogsbæjar við gerð loftslagsstefnu hafi dregist eins og raun ber vitni. Reykjavíkurborg lauk til dæmis vinnu við gerð loftslagsstefnu árið 2009 og endurskoðun hennar lauk árið 2019. Sveitarfélagið Hornafjörður vann loftslagsstefnu á árunum 2014-2016 og loftslagsstefna Fjarðarbyggðar er um þessar mundir á lokastigum í kynningu."

Sigurbjörg E. Egilsdóttir

Fundarhlé hófst kl. 10:48, fundi fram haldið kl.10:56.

Bókun:

"Ekki er um neinn drátt að ræða af hendi Kópavogsbæjar enda kemur fram í umræddu minnisblaði að Kópavogur mun standast tímamörk laganna. Það er hins vegar ekki góður bragur á því að það skuli sífellt verða töf á skapalóninu frá Umhverfisstofnun."

Ármann Kr. Ólafsson